إعـــــــلان

تقليص

للاشتراك في (قناة العلم والإيمان): واتساب - يوتيوب

شاهد أكثر
شاهد أقل

سلسة ابوذيات لاهل البيت عليهم السلام

تقليص
X
  •  
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • سلسة ابوذيات لاهل البيت عليهم السلام



    لله كل دعوتي وقبل الدعاء احمد
    وعليه اقسم قسم بالمصطفى احمد
    كضيت عمري جزر مامر شفت احمد

    ودنياي وي ناصبي يا صاح جارت علي
    يا روحي كفي الحزن والراس خلي علي
    عبره اخذي من الوصي طلكهه كبلج علي

    ما غرته دنيته حين اصبحت زهره
    ويا روحي مامش شهد كل دنيتج زهره
    بجور وهظم كوضت مظلومه يالزهره

    نكصد بقيع الحزن ونزور يمته الحسن
    ويا ربي ما مر وكت ويانه نوبه حسن
    دين آل طه فخر يا لايمي واحسن

    هالدين خير العمل من احسن ولحسين
    منهل شفاعه الي دنيه وحشر لحسين
    ابكل كلب والنبي باقي عزه لحسين

    شما تركع بدنيتك وشما تظل سجاد
    وابني جوامع ذهب وافرش ذهب سجاد
    ما ينفعك بالحشر بس وكفت السجاد

    حق الولايه العلي يالايمي باقر
    وبكل علم يلمت بيه الوصي باقر
    ويه الانصاري النبي سلم على الباقر

    ويامن توالي علي سير بعهد صادق
    الدسكره البالحشر بيهه علي يصادق
    من امي اناه ارضعت حب جعفر الصادق

    بحبهم يهون الحزن والغيضي اظل كاظم
    وهالحب لاينجلي ولا فكر كاظم
    ولو عسرة حاجتي اتعنه للكاظم

    يالايمي بحبهم هاك العظم رضه
    وقابل تكطع الكلب بهل الحب انه ورضه
    يندار يمته الوكت ونزور يمته الرضا

    حاتم الطائي ذبح لضيوفه بس جواد
    وحسين كل عيلته دين وشرف وجواد
    روحي وحياتي نذر لمحمد الجواد

    يا عيني كفي الدمع بسج بعد هادي
    بدين ال طه ثبت الرب العرش هادي
    وصبيه دم الدمع لمصيبة الهادي

    ياروحي وبكل حزن لآل النبي عسكري
    التاريخ يذكر لمن صاح البغي عسكري
    نزلت املاك السمه لمن دعى العسكري

    يالايمي شضل بعد مالك علي حجه
    لومك تعرفه حقد من بظهر الحجه
    كوم اكصد الكربله بكل خطوه الف حجه

    ولا تحزن بدنيتك ولالا تضل عباس
    كل الحوايج تفل من تكصد العباس
    تالكا لكل معضله راعي العلم عباس

    الدنيه لأهل الرده عدله وتجي ميسره
    اليمنه شيعة علي والضدته ميسره
    اقسم بظلع ام حسن والراحت ميسره

    بالنار والجنه علي هوه الذي قاسم
    وبالجنه كل شيعته رب العرش قاسم
    اتزور جن الرضا من تكصد القاسم

    ويا زائر اكناف الحمى كوم ابتدي بمسلم
    العاداه لا والنبي ما ينحسب مسلم
    يشفع سفير الهدى للزاره ومسلم

    هذا كلام النبي المصطفى الاحمد



  • #2
    ماجوره بحق محمد وال محمد

    اختي الغزيزه

    منقول رائع

    انه زنجيل زهيري وليس ابوذيه

    تعليق


    • #3
      احسنت جزاك الله خير الجزاء وجعلنا الله واياكم مع محمد وال بيت محمد

      اللهم صل على محمد وال محمد

      تعليق


      • #4
        بارك الله فيكم شكرا على المرور الراقي

        تعليق


        • #5
          مشكووور رية حيدر

          بارك الله فيك

          تعليق


          • #6
            حلو هالجزء

            الدنيه لأهل الرده عدله وتجي ميسره
            اليمنه شيعة علي والضدته ميسره
            اقسم بظلع ام حسن والراحت ميسره


            بس انت متاثر بموال صحيفة الموال للشاعر ابو محمد المياحي وراسم نفس الصور الي هو راسمها
            فالزنجيل مرة يميل يم نائل المظفر في صياغته ومرة يعود إلى المياحي

            وشكراً

            تعليق


            • #7
              شكرا اخي ابن البصرة بارك الله فيك
              وشكرا لك اخي واغريباه بصراحة اني مولعة بالابوذيات
              والزهيري فيها فن خاص

              تعليق


              • #8
                رائع

                حلو... حلو... حلو....
                الله يعطيك ألف عافية على هذه المجدولة الرائعة في ميزان حسانتك إنشاء الله يحشرك ربِّ في ظل محمد وآل محمد صلى الله عليه وآله
                خادمك الصغير يسألك الدعاء

                تعليق


                • #9
                  المشاركة الأصلية بواسطة أبو علي حمزة
                  حلو... حلو... حلو....
                  الله يعطيك ألف عافية على هذه المجدولة الرائعة في ميزان حسانتك إنشاء الله يحشرك ربِّ في ظل محمد وآل محمد صلى الله عليه وآله
                  خادمك الصغير يسألك الدعاء
                  بارك الله فيك اخي ابو علي
                  تحياتي لمرورك الراقي
                  حشرنا الله واياكم مع محمد وال بيت محمد

                  تعليق

                  المحتوى السابق تم حفظه تلقائيا. استعادة أو إلغاء.
                  حفظ-تلقائي
                  x

                  رجاء ادخل الستة أرقام أو الحروف الظاهرة في الصورة.

                  صورة التسجيل تحديث الصورة

                  اقرأ في منتديات يا حسين

                  تقليص

                  لا توجد نتائج تلبي هذه المعايير.

                  يعمل...
                  X