شدني موضوع لشخص كاتب فيه :

ومن هذا الحديث يود أن يكون طرحه كالعالم أو عالأقل بعيداً عن الهمج الرعاع !!

لا أقول إلا أنكم من الهمج الرعاع الذين تحدث عنهم الإمام !!
واحد يقول : الوهابية يقولون محبة أهل البيت غير واجبة
وواحد يقول: السنه يقولون الخلافة شورى...
وواحد يقول: لا تكتف ايدك وواحد يقول لا كتف
وواحد يقول: قول اللهم صلي على محمد وآل محمد... والثاني يقول: لا قول اللهم صلي على محمد وآل محمد وصحابته أجمعين
ثم هناك شخص جاهل يقول : لا لا يجب القول "اللهم صلي وسلم وبارك على محمد وآل محمد وصحبه أجمعين
وهناك من يقول: يجب أن تقول "اللهم صلي وسلم على محمد وآل محمد وعجل فرجه" (لا ننسى التلحين فهو ضروري)

وألحين رمضان فنبدأ بالتفاهات التاليه:
فئة تقول: يا ناس الفطور لما يصير خط السما شوي أحمر وناس لا لا حراااااام لازم تصير السما سووووده.. وناس يقولون لا يجب الصلاة أولاً ثم تتفطر وناس يقولون أستغفر الله الفطور الفطور عجلـــــوا بالفطور !!!


والطامة الكبرى !!!
تحديد بداية ونهاية الشهر !!
ناس يطبون بإيران.... ليش إيران قالت رمضان الأحد احنا بنصوم السبت وليش السعودية بتصوم الجمعه احنا لازم نخالفهم !!!
استحواااااا على ويووووووهكم !!!
صار الإسلام دين مسخره مو خاتم الأديان !!!

ولا نغفل عن حنة التراويح وما أدراك ما التراويح !!
ناس يقولون حراااااااام بدعـــــه وناس يقولون لا سنه سنه الرسول كان يصلي التراويح !!!
يا عمي أي رسول !!!
ظل فيها رسول !!!!
انتوا خليتوا رسول !!!!
ويقولون ليش الغرب متقدمين !!!!
أكيد بيتقدمون علينا !
انتوا عندكم شي غير السنه والشيعه !!
ياعمي شتفرق معاك ابوبكر مسك الخلافة وإلا الإمام علي !!!
ما تبي تكتف !! لا تكتف محد بيطقك !!
ياخي انت قام تعبد ربك وإلا قام تعبد التكتيف !!!
يعني الله ما راح يقبل صلاتك إذا كتفت إيدك !!
وإلا إذا نزلتها راح تكفر !!
حط إيدك وين ما تبي !! يعني انت ما تحك خدك لما تصلي ؟؟؟؟ والا ما يجوز لازم تكتف !!!

والله انتوا الهمج الرعاع ماكو واحد أحسن من واحد !
العالم الورع قاعد في بيته وصاك بابه لأن ما يبي يشوف تفاهتكم !!
ألحين أبوبكر كان زين وإلا ماكان زين الله يرحمه !! مات والله يحاسبه !!

مادري شقول والله !!
من القهر اللي فيني !