تويت
الى ابي عبد الله الحسين عليه السلام
السلام عليكم ورحمة الله وبركاته .. اسأل الله ان يتفضل علينا وعليكم بالعتق من النار و غفران الذنوب في هذا الشهر الكريم .. ببركة الامام الحسين عليه السلام
يحسين يحسين .... احنه شيعتك
يحسين يحسين .... ردنه الحضرتك
وهناك يابو الاكبر اهناك ... هاك الكلب هاك
وهناك يابو الاكبر اهناك ... هاك الكلب هاك
.................
ياحُسين الشيعه ناجت ربهه وبدمهه حراره
شوكَهه الكَبتك جواهه والكَلب مستعره ناره
جمر بعدك يبو اليمه وصل للمدمع شراره
يحسين يا سبط النبي ... تيَهنه برض الاجنبي
لو نرد نحبيلك حبي .... يلمحبتك بالصداره
يحسين يحسين ...... منك ما نمل
شوكَهه الكَبتك جواهه والكَلب مستعره ناره
جمر بعدك يبو اليمه وصل للمدمع شراره
يحسين يا سبط النبي ... تيَهنه برض الاجنبي
لو نرد نحبيلك حبي .... يلمحبتك بالصداره
يحسين يحسين ...... منك ما نمل
يحسين يحسين ...... لو نخلص جتل
ما نكدر احنه اشلون ننساك
هاك الكلب هاك
ما نكدر احنه اشلون ننساك
هاك الكلب هاك
+++
يا حُسين ابليل الاظلم بس نجومك تضوي لينه
يبو الاكبر وبنهار الغربه ذكرك يسلينه
ومن نِتَيــِه درب جدك يرد صوتك يدلينه
يحسين اسمك معجزه .... عقل اللبيب ايعجزه
خادمــك .. نقطه وفارزه .... هذا يشفعله نبينه
والله والله ...... اقسملك قسم
والله والله ...... والحِل والحرم
يعبر صراط المحشر اوياك
يبو الاكبر وبنهار الغربه ذكرك يسلينه
ومن نِتَيــِه درب جدك يرد صوتك يدلينه
يحسين اسمك معجزه .... عقل اللبيب ايعجزه
خادمــك .. نقطه وفارزه .... هذا يشفعله نبينه
والله والله ...... اقسملك قسم
والله والله ...... والحِل والحرم
يعبر صراط المحشر اوياك
هاك الكلب هاك
+++
يا ضياء ومد شعاعه وشمل ارض الباري كلهه
وصارت الدنيه بطريقك ماشيه بسرهه وعلنهه
امن الهـــِنِد للقطب ثوره والبشر عقدت املهه
منك خذت كل الخطط .... نفس النهج نفس النمط
مو زينه تسكت عالغلط .... وغاندي تعلم درسهه
مضلوم مضلوم ..... حته ينتصر
مضلوم مضلوم ..... سمعه يفتخر
كل بطل ماخذ من سجاياك
هاك الكلب هاك
وصارت الدنيه بطريقك ماشيه بسرهه وعلنهه
امن الهـــِنِد للقطب ثوره والبشر عقدت املهه
منك خذت كل الخطط .... نفس النهج نفس النمط
مو زينه تسكت عالغلط .... وغاندي تعلم درسهه
مضلوم مضلوم ..... حته ينتصر
مضلوم مضلوم ..... سمعه يفتخر
كل بطل ماخذ من سجاياك
هاك الكلب هاك
+++
يا ابو الاحرار صرخه خل نناقش محتواهه
اطلقتهه ابكربلاء ولســـــــه هليدوي صداهه
هيهـات اذلن من صحت شمس صارت وبضياهه
دين الله رد يضوي السمه ... من عطش رويته ابدمه
وعباس من سل صارمه ... حكَه دين الله ايتباهه
عباس عباس ..... هذا ابن الفحل
عباس عباس ..... راواهه الاجل
بسم الله راية علي ابيمناك
هاك الكلب هاك
اطلقتهه ابكربلاء ولســـــــه هليدوي صداهه
هيهـات اذلن من صحت شمس صارت وبضياهه
دين الله رد يضوي السمه ... من عطش رويته ابدمه
وعباس من سل صارمه ... حكَه دين الله ايتباهه
عباس عباس ..... هذا ابن الفحل
عباس عباس ..... راواهه الاجل
بسم الله راية علي ابيمناك
هاك الكلب هاك
+++
يا سفينه ومن ركبهه ناجي مسنوده الروايه
بالصحاح السته اقره يالي تبحث عن درايه
معلوم اذا رج العمد لابد اتطيح البنايه
بالصحاح السته اقره يالي تبحث عن درايه
معلوم اذا رج العمد لابد اتطيح البنايه
يحسين يا اصلب عمد ... وفيت للباري العهد
وبدمك الدين انسند ... وانت طبقت الوصايه
ليزيد ليزيد ...... عباد الصنم
ليزيد ليزيد ...... مرغت الخشم
شهدت ابنصرك يالوفي اعداك
هاك الكلب هاك
وبدمك الدين انسند ... وانت طبقت الوصايه
ليزيد ليزيد ...... عباد الصنم
ليزيد ليزيد ...... مرغت الخشم
شهدت ابنصرك يالوفي اعداك
هاك الكلب هاك
+++
السيف لليعرف اوصافه باشق وقاطع ولامع
وانت دمك للصفات السالفه يحسين جامع
حيث اول مره واخر مره تندار الطبايع
سيف الي حز نحرك افل ... زرع الي شن حربك ذبل
ولسان من ضدك شلل ... هذا منهاج الشرايع
معلوم معلوم ... من دور الازل
معلوم معلوم ... لو لله العمل
خالد يدور ابدور الافلاك
هاك الكلب هاك
يحسين يحسين ..... احنه شيعتك
تمت يوم 24/07/2009 في الساعه 02 بعد منتصف الليل
نسالكم الدعاء .. زكي الياسري
وانت دمك للصفات السالفه يحسين جامع
حيث اول مره واخر مره تندار الطبايع
سيف الي حز نحرك افل ... زرع الي شن حربك ذبل
ولسان من ضدك شلل ... هذا منهاج الشرايع
معلوم معلوم ... من دور الازل
معلوم معلوم ... لو لله العمل
خالد يدور ابدور الافلاك
هاك الكلب هاك
يحسين يحسين ..... احنه شيعتك
تمت يوم 24/07/2009 في الساعه 02 بعد منتصف الليل
نسالكم الدعاء .. زكي الياسري
تعليق