إعـــــــلان

تقليص
لا يوجد إعلان حتى الآن.

لطميه للامام الصادق (ع) مع نزله عكَيليه (الصادق سمّه المنصور)

تقليص
X
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • لطميه للامام الصادق (ع) مع نزله عكَيليه (الصادق سمّه المنصور)

    قصيدة لطم .. الى الامام جعفر ابن محمد الصادق عليه السلام اهدي ثوابها لاموات القراء الاكارم و اموات المؤمنين المنسيين واسالكم الدعاء





    إنحب يالعــندك دمعه
    الصادق سمه المنصور
    شمعة عــمره الطفـّوهه ... شرعة جـده الهدموهه
    الصادق سمه المنصور

    ....1....

    تاج العــلــــــم والديـن تــاج الايـــــام
    صادق العتره وباني صـرح الاســـلام
    مدرسة حيدر حامي جاره الــضرغام
    وسـفه الدهـــــــــر دار و رماه ابـآلام
    باني الدين و عاموده
    طايح وسفه ابلا روح
    بيــد الحاقد عالأمُــه ... مات المسموم وسـمه
    الصادق سمه المنصور

    ....2....

    هذا الامام الصادق ابــــن الاخيــــار
    جده النـــبي او والده حــــماي الجار
    و امـه البتول الزهــــره بنت المختار
    سمــّــــــــه الدوانيقي الزنيم الغدار
    يادين ايحلل هذي
    ينسم حماي الدين
    انشد شنهيه اذنوبه ... جبده ابحر سم مصيوبه
    الصادق سمه المنصور

    ....3....

    حاقد عله الدين الديــــن وتترجم حقده
    بسم الامام الحـــــــامي دينه و مجده
    صوَّب زعـــــــــيم الطائفه وفت جبـده
    مثل الحســــن من كَوّض ابسم جعده
    نفس الكَوم الغداره
    غدرت شبل الكرار
    ضل يلوج ابآلامه ... ضلت بالنوح ايتامه
    الصادق سمه المنصور

    ....4....

    كَال الامام وكَــُـــــوله اعــــظم حكمه
    ماي البحر هالدنيه .. خلنـــــــــفتهمه
    شما تشــــرب الوادم تره شما تضمه
    ويخسر البيهه يحط منــــــــاه او همه
    ايام الدنيه اكَصيره
    خل ناخذ منهه الخير
    ميدوم إله الباريهه ... ويهلك كل ظالم بيهه
    الصادق سمه المنصور

    ....5....

    شيعتـــــنه كَال الي تطــيع البـاري
    والتبغض اهل المعــــصيه انصاري
    والي يودني ويعـــــــمل ابأفكاري
    بالجنه يصــــبح لا محــــــاله جاري
    انه ابن الباقر علمه
    من جـــــــده المختار
    وارث موسه وهارونه ... تاليهه الكَوم اتخونه
    الصادق سمه المنصور

    ....6....

    كل سيـِّـِـئه سَــيْــئه بأساس التكوين
    لكنهه من شيعــــتنه تصــــبح ضعفين
    وكل زينه تصـــــبح منهم ابـحد مرتين
    من حيث الــنه بالنسب مــــــنتسبين
    اوصيكم يا شيعتنه
    اوصيكم بالاخلاق
    زينه البيكم لزموهه ... شينه البيكم عيفوهه
    الصادق سمه المنصور

    تمت بحمد الله تعالى يوم 08/10/2009

    زكي الياسري


    وهذه نزله عكَيليه بنفس المناسبه


    يا رافع راية بارينه

    يالصــــــادق لجلك هلمجمع
    حوقل للــــــبــاري وسـترجع
    وعله افراكَك يجـري المدمع

    شيعه و بس بسمك نادينه

    يا رافع راية بارينه

    يبن الزهره ابغـــير انوارك
    ضلمه الدنيه بعين انصارك
    يمته القائـــــــم ياخذ ثارك

    من العباسي الجاوينه

    يا رافع راية بارينه

    يبن الكـــــــرار اشتاكَينه
    يم كَبرك نبجــــي تمنـينه
    احفاد الكَــــوم امهدمينه

    والغرقد هليبجي ابعينه

    يا رافع راية بارينه

    يالصــــــــادق لو كَبرك ينهد
    بكل شيعي الافكارك مرقد
    لا لا بنــــــــــــــيانك ما ينهد

    ما دام الروح اتفر بينه

    يا رافع راية بارينه

    يوم المحشـــر بيك انجلّب
    حاشه اتخلينه النار انطب
    بجاهـك من الباري نطلب

    للجنه وياك ايودينه

    يا رافع راية بارينه

    زكي الياسري


  • #2
    السلام على المكروب المسموم

    تعليق

    المحتوى السابق تم حفظه تلقائيا. استعادة أو إلغاء.
    حفظ-تلقائي
    x
    إدراج: مصغرة صغير متوسط كبير الحجم الكامل إزالة  
    x

    اقرأ في منتديات يا حسين

    تقليص

    المواضيع إحصائيات آخر مشاركة
    أنشئ بواسطة وهج الإيمان, اليوم, 04:57 AM
    ردود 0
    13 مشاهدات
    0 معجبون
    آخر مشاركة وهج الإيمان
    بواسطة وهج الإيمان
     
    أنشئ بواسطة وهج الإيمان, يوم أمس, 04:33 AM
    ردود 0
    16 مشاهدات
    0 معجبون
    آخر مشاركة وهج الإيمان
    بواسطة وهج الإيمان
     
    أنشئ بواسطة وهج الإيمان, 16-09-2019, 06:57 AM
    ردود 3
    40 مشاهدات
    0 معجبون
    آخر مشاركة وهج الإيمان
    بواسطة وهج الإيمان
     
    أنشئ بواسطة وهج الإيمان, 15-09-2019, 09:10 PM
    ردود 0
    20 مشاهدات
    0 معجبون
    آخر مشاركة وهج الإيمان
    بواسطة وهج الإيمان
     
    بواسطة ابوامحمد
    أنشئ بواسطة ابوامحمد, 16-09-2019, 03:34 PM
    ردود 2
    16 مشاهدات
    0 معجبون
    آخر مشاركة ابوامحمد
    بواسطة ابوامحمد
     
    يعمل...
    X