تويت
يا طوعه مسلم وين..... بس أنتي بيه تدرين
شنهو الخُبر ................. گلبي انفطر
بس أنتي بيه تدرين
***************
اسئلچ والدليل بحاله لا توصف
ودموع الفجيعة أعله الوجه تُنزف
روّعنه الدهر يا طوعه يوم ألطف
وعلينه النوايب بالحزن تزحف
من غارو اهل البين .... شفنه العجب بالعين
هم وكدر......... گلبي انفطر
بس أنتي بيه تدرين
اعتنيتچ والسؤال بگلبي نيرانه
تسعر واللهيب بعيني نيشانه
يطوعه ورد اخبرنچ حميدة انه
واريدن منچ اسمع وين عنوانه
عن والدي ألي غاب ... انشد وأريد أجواب
ركني القهر .......... گلبي انفطر
بس أنتي بيه تدرين
انه اليتّمني وكتي من زغر سني
وانه السهم المصايب بالگلب طگني
زغيره والدهر قرر يعذبني
وبمسلم يطوعه أضحى فأجعني
بسن الصغر والروح.... يسكنها بس النوح
دمعي مطر .... گلبي انفطر
بس أنتي بيه تدرين
يتيمة واليتيم أجناحه مكسوره
ودمعته بكل وكت بالوجنه منشوره
وحيد ودنيته أحزان مغمورة
ونحب ون وبواچي صار دستوره
يگضي العمر حيران ..... في عالم الأحزان
يهوى السهر ......... گلبي انفطر
بس أنتي بيه تدرين
اجيت وشوگي فايض نيتي اشو فنه
وأذبن روحي أبحضنه وشبگنه
بحنيني ألشخصه طوعه جيت اخبرنه
وبكلمة يبويه الغالي اكلمنه
جيت وگطعت أدروب ..... وبلهفة المحبوب
شوگي بحر ........... گلبي انفطر
بس أنتي بيه تدرين
خادم مسلم بن عقيل عليه السلام
الشاعر أبو إيمان المجراوي