تويت
لهفة حميده على والدها مسلم ع
دلوني دلوني .... يهل الغدر دلوني
نادت حميده والعين .... تهمل دمع مسلم وين
يهل الغدر دلوني
**********************
نادت حميده وتلتفت ملهوفه
حين الخطت بيها الجدم بالكوفه
يهل الخيانة وبالغدر موصوفه
يهل الشوم يهل الشوم عدكم نزل يهل الشوم
من خانه دهره والبين تهمل دمع مسلم وين
يهل الغدر دلوني
روحي على مسلم غدت مشغوفه
وتمنه من گلبي الكثر بي خوفه
سالم يرد لي والعيون أتشوفه
وين الگاه وين الگاه عودي الرحل وين الگاه
انشد ودور صوبين تهمل دمع مسلم وين
يهل الغدر دلوني
تتلفت ودمعه تصب مذروفه
وتنادي عودي الي رحل ما عوفه
يمته على راسي يخلي اچفوفه
مسلم وين مسلم وين طال البعد مسلم وين
ما بطّلت بعده ونين تهمل دمع مسلم وين
يهل الغدر دلوني
جيت اسئل وروحي بحزن محفوفه
شنهو العليه سادي وشّوف ظروفه
خوفي الدهر للوالي راوى حتوفه
گلبي أعليه گلبي أعليه عاش بحزن گلبي أعليه
رمز السفا ره بهالدين تهمل دمع مسلم وين
يهل الغدر دلوني
جيت انه وبصوت النحب محسوفه
مسلم أخبرك عالولي بطفو فه
وحده وعليه گوم الغدر مصفوفه
ماله معين ماله معين ضل الوالي ماله معين
وبگلبه تسعر ناريين تهمل دمع مسلم وين
يهل الغدر دلوني
يا بويه أصبح عالتراب ازحوفه
ونار الضمه صارت جمر في جوفه
كعبه الحُسين واجب احنه انطوفه
مثله الكون مثله الكون لا ما شاهد مثله الكون
عالي وزهت بيه عليين تهمل دمع مسلم وين
يهل الغدر دلوني
**********خادم مسلم بن عقيل
أبو أيمان
تعليق