تويت
لسان حال العليله بنت الحسين ع
دم المدمع سچاب بعد افراگ الاحباب
وعيوني اتسيل الدمع بعد افراگ الاحباب
*************
يا دهري لا وين ابعدت خلاني
مني خذتهم وتركت احزاني
يا دهري تدري بهالبعد اذاني
نار المصايب اضرم بوجداني
والهم صاير للروح منبع اهات ونوح
عاشرني وطول العمر لحضه عني ماغاب
من ساعة الراحو هلي وهمومي
ما فارگتني وعذبتني بيومي
محزونه وتنطر ترد لي گومي
يمته افرح واخلع سواد اهدومي
يمته يعود الي راح ويطيب هالاجراح
عيني الرايتهم تصد يمته تعود الغياب
درب المشو بيه كل فجر اتعناه
وبلهفت الينطر حبيبه ويتناه
صاحبت حصراتي وعشگت انه الاه
والصبر مل مني وبچتني عيناه
بدروب احبابي العين تربي وما ملت حين
وبعيني المدمع سكن ومن الهم راسي شاب
من دمعي اليجري ركد كل حيلي
وما هادت عيوني وهجعت بليلي
اصفن اشاهد صفنتي تشكيلي
اوعه احس بالساني اصرخ ويلي
ون ونوح وصفنات عشت انه ويالاهات
كل لحضه اتمر اتعذب وانصاب بگلبي اصواب
دهر النوايب بالكدر يبرالي
ما فارگاني ولا يروف بحالي
لوعه والم والحصره اصبح فالي
عگب العشگهم گلبي ودلالي
عگب حسين وعباس شهگات اگضي الانفاس
عگب القاسم والاكبر گلبي من احزانه ذاب
************
ابو ايمان
تعليق