تويت
عمه يا طوعه والدي وينه
طول أغيابه مسلم أعلينه
شو ما يجينه
*************
من مشه ومن راح گلبي ما مرتاح ولدمعه تهمل
دمعة الإحزان بالمقل نيران وبحصره تنزله
عمه اريدنه وجيت اشو فنه بيا كتر نازل
اخبره أعله الحال والبعد چتال وفراگه محمل
* عني غاب الزين والگلب نصين من گد ونينه
والدي المهيوب سافر اليا صوب وابعد عليه
من مشه لليوم دمعتي بدموم ونتي شجيه
عمه يتمني من بعد عني وما سأل بيه
وجهي وين انطيه گلبي بيش ارضيه شنهو البديه
* اهمل الدمعات عايشه باهات وحدي وحزينه
بويه يا مسلم هالحزن والهم من اثر فگدك
نوحي والاحزان زادن النيران بالگلب بعدك
من غبت عني كثرت وني يالرحت وحدك
ما خذتني اوياك شحمل بلياك بيش انه اردك
* يا نبض گلبي ادعي الربي ايردك علينه
حايره بحالي والدمع هالي عگبك يمسلم
حزني يبرالي والگدر فالي وتحمّل الهم
بويه نرضالي دمعني اتلالي وتجرع السم
فاگده الوالي ما الي تالي بس ابچي والطم
* حايرّه بأمري دمعتي تجري عمري وسنينه
يا گلب ون حيل وكثر العاويل وابچي بدمع دم
والدي من راح برجعنه ما لاح أولا تكلم
شوفته تنحال صارت بهالحال ضل عايش بهم
يا گلب للدوم ابچي ضل ادموم عالغالي مسلم
* والدي من شال برجعته ما گال وتيتمينه
*********
أبو أيمان المجراوي
تعليق