تويت
قصيده للامام المهدي عج بلسان حال الشيعه
يالمهدي أنصيح ونترجه وينك يا موعود
مو ضلع أضلوع الكسروها وتمزق چم جود
وچم زينب * صفت تنحب * وتمزق چم جود
**************
عصر الضلالة منالازل ليهسّه بينه أنشوفه
ونمرود بعده والشمر أوصافهم معروفه
لعصور تتجدد نعم وكل عصر عنده اظروفه
لا چن عصرها شيعتك دمعاتها المذروفة
كل متمر الأيام علينه وتتغير أعوام
بس أوجوه ألي تتغير وتضل الأحكام
عدد يصعب * صفت تنحب * وتمزق چم جود
.................
ينخاك صوت المنفجع يتمنّى صوته تسمعه
ويتمنّى تنضر صورته وشلون يجري ألدمعه
يالمهدي حالات اشكثر في كل عصر متوزعه
وثوب الخيانة يا آبي ما رضا الباغي ينزعه
يتنومس من ينقل چلمه ويصيبه الإعجاب
ما يعرف چم طفل آتيتّم من يكسر الارگاب
لمسنه أعجب * صفت تنحب * وتمزق چم جود
...................
العلة يالمهدي صفت هاي الخلگ تختارك
عفنه طواحين الكفر ونلوذ تحت اكتارك
بحسين ردنه نعتقد ويوم العدل نتدارك
لاچن فلا يرضه الخصم يگرب نفر يم دارك
حملات الشر وبالقسوة دگت كل البوب
ومنعو كل أنصارك تندب بسم يا مهيوب
مأسي صب * صفت تنحب * وتمزق چم جود
..................
يالمهدي شبّان ألمشت ما ندري حگمن صارت
حگ الذئاب البل قصر لو بل قنابل ثارت
ألحود يحفرها الدهر كل ميه بيها توارت
وياريت لو شافت غُسل تندفن بيش احتارت
مو يوسف واحد يالمهدي ضل عايش بألبير
آلاف العاشت بالضلمه إن صح التعبير
مثل يُضرب * صفت تنحب * وتمزق چم جود
.................
الله اكبر آذنت كل روح في كل وادي
وبصوت مسموع وعلن ياحجة الله أتنادي
عجل ظهورك يالصرت للشيعة اعظم حادي
ترجاك يا بو ألمرجله والمدمع بدم نادي
يمته تلوح الراية الچانت بيمين العباس
وترف بكل المعمورة وتفرح بيها الناس
فلا تتعب * صفت تنحب * وتمزق چم جود
******
الخادم أبو أيمان المجراوي
تعليق