تويت
انشد ودوّر وين عالرايه والجفين
انشد ودور وين عالرايه والچفين
يم الشريعه گالو كطيعه
************
من غابت الوليان خويه انهضمنه
ومن هجمت العدوان حرگت خيمنه
لا مأوى ضل لا دار ذبحو زلمنه
عگب البطل عباس زايد ألمنه
*غربه صفينه عگبك ولينه
والهج ودير العين عالرايه والچفين
يم الشريعه گالو كطيعه
بلحومه يا عباس بين الأجانب
أختك يراعي البأس والدمع ساچب
زينب صفت يا حيف مأوى النوايب
المن تدير العين و الوالي غايب
*صارت وحيده بنت الصميده
وتنادي بكل حين عالرايه والچفين
يم الشريعه گالو كطيعه
جرح الهضم بالروح نيرانه تسعر
وا لامه بالدلال كل لحضه تكثر
دمعاتي حصره واه بجفوني تمطر
وبنفسي أحس النوح صار يتبختر
*وجروحي كثره ما ضنها تبره
بيه تعيش سنين عالرايه والچفين
يم الشريعه گالو كطيعه
ألدربك يبو الكلفات مشبوحه عيني
ودموعي دم أتسيل هايج حنيني
اربي الدرب عباس ونطر يجيني
جمرة صبر فرگاه تروي بونيني
*مستعره ناري ليلي ونهاري
الصاحب لواء حسين عالرايه والچفين
يم الشريعه گالو كطيعه
لوعه ومرارة نوح تسكن فؤادي
وبدمعي المسفوح عباس أنادي
انشد ودور أعليك في كل وادي
وتمنى يا ضرغام يحصل مرادي
*عشت ويهّمي ودموعي تهمي
لوعني دهر البين عالرايه والچفين
يم الشريعه گالو كطيعه
*************
أبو أيمان المجراوي