تويت
انشدج يالشريعه على اجفوفه الكطيعه
انشدچ يالشريعه ... على اچفوفه الگطيعه
يمچ طاحن هنا ... وتحنه بدمهن ألواه
على اچفوفه الگطيعه
***********
انه ألزهره الزجيه والخلگ تدري
وتعرف من محمد عزتي وگدري
اجيت اچفوف أدوور والدمع يجري
ونيران الحزن تسعر وسط صدري
* اجيتچ وانوي أعتاب .. ودوور فوگ التراب
وانه بنار الفجيعة ... على اچفوفه الگطيعه
اسايل وانتظر يا لمشرعه اجوابچ
وانه بنار الهضم متعنيه ادگ بابچ
علّي جمة المصايب وكلف مصابچ
وروحي من النوايب گاصده اعتابچ
* اجيت وعيني تدمع .. اريدن منچ اسمع
خبر وانه الوديعة ... على اچفوفه الگطيعه
على التربان أعاين شابحه عيوني
وذبلن من دمعتي التجري جفوني
عشت هم وترك بأوضاعي ظنوني
وأصيح بصوتي وصرخ وينه دلوني
صحت يبني الفكدته .. جمر روحي علكته
ودوور با لوسيعه... على اچفوفه الگطيعه
أعاين ولتفت وتنشك التربان
بلجن ريحه أشمه بكل كتر ومجان
اله زايد حنيني والكلب لهفان
وألون ما هدى من أعرفت عطشان
اجيت وجبت انه الماي .. لبني ولبّت حشاي
وأريد اشكر صنيعه ... على اچفوفه الگطيعه
الهي بهالولد عوضني عن صبري
وبرّد نار البكلبي وخمد جمري
لاجن بيه رمتني النايبه بصدري
وشل حالي بفجيعة ها لولد دهري
ونوح وعالي ونّي .. الدهر ببني طعني
ونحيبي اليوم أذيعه ... على جفوفه الكطيعه
************