تويت
يا عباس يا عباس وين الوعد يا عباس
يا عباس يا عباس وين الوعد يا عباس
نار الخيم متوجره وبعيني دمع ألعبره
وين الوعد يا عباس
أختك وحشم يا چفيلي وانخاك
بالغربه وحدي يا نفل بين أعداك
ما ضنك تخليني خويه وحاشاك
بين الگوم بين الگوم ابقه اخلافك بين الگوم
نار الگلب مستعره وبعيني دمع ألعبره
وين الوعد يا عباس
وحدي يچافل هالظعن با لحومه
اصرخ عليك ومهجتّي ما لومه
يا وسفه ترضه ألزينب المحشومه
تبچي دموم تبچي دموم يا بالفضل تبچي دموم
بهذا الوضع متئثره وبعيني دمع ألعبره
وين الوعد يا عباس
دمعة عيوني أعله الوجن ما نشفت
ومن ساعة ألبيها غبت ونسچبت
وبلحظة ألبيها طحت دم نزفت
يا مظلوم يا مظلوم دمعي يصّب يا مظلوم
وكل دمعه صارت جمره وبعيني دمع ألعبره
وين الوعد يا عباس
نار الخيم يا با لفضل مظرومه
وعيالي من شرب العذب محرومه
وينك يا ليث الحرب يا جيدومه
يمي يحوم يمي يحوم خصمك خويه يمي يحوم
وانه التفت منتظره وبعيني دمع ألعبره
وين الوعد يا عباس
رظعاني طشّت با لفله يا عمها
وعليه يصعب يا بو فاضل لمها
من شافت النار أنشبت بخيمها
هذا اليوم هذا اليوم ما منه أصعب هذا اليوم
حيّرني وانه الحرة وبعيني دمع ألعبره
وين الوعد يا عباس
*********
خادم أل البيت أبو أيمان المجراوي
تعليق