تويت
خويه من ساعة البيها رحت
خويه من ساعة البيها رحت ياچفيلي اندبت وشگد صحت
وشكثر عگبك نحت
*********************
دم دمعتي اتسيل يالرحت مني
وبنهار وليل ما هجع جفني
ما بگالي حيل ولابطل وني
من غبت لسه دمعي اعله الجفن وبقى بعدك يخويه بس اون
وانته بي ما حسبت
دمعتي بعيني خويه وربي اعليك
وجرحي ياذينه حين الج طاريك
لا نخليني وانه ازامط بيك
ترضه ما ضن يبن حيدر علي وحدي بين العده وبلا ولي
وانته الي خويه اكفلت
دمعتي الفرگاك عالوجه تجري
يالخذيت وياك روحي وعمري
خويه بي ذكراك كل وكت تسري
لا تضن انسه خويه ذكرتك والمقل شايلتها صورتك
مهما عني ابعدّدت
يادهر لاوين كافلي ابعدته
مثله اجيب منين حشمت اخته
بيه اسر العين والله لوشفته
يرجع وبيده يمسح دمعتي ويرفع برجعته هم ونتي
والله عگبه تمرمرت
سوده كل دنياي اصبحت بيه
فارگت ولياي غصبن اعليه
حتى شرب الماي مايصح ليه
زينب انه وابوي المرتضى وسفه دهري بضلم ضدي مضه
حگّي لو بالبر همّت