تويت
يوليدي يا مظلوم
حان اوصيتك يا جاسم اليوم يوليدي يا مظلوم
بيدي انطيها الك ودموعي ادموم يوليدي يا مظلوم
*********************
هاي اوصيتك يبني وخذها وقراءه البيها مكتوب
عندي اشكم سنه يمه شلتها يا جاسم يا مهيوب
ذايب منها گلبي وما عفتها ومنها روحي اتذوب
بعيوني يجسام شلتها اشكم سنه وعام
وبيدي انطيها الك يا يمه محتوم يوليدي يا مظلوم
من عندي اخذ يا جاسم وشوف شنهو البيها يمه
وصّاني الحسن لو صرت بطفوف كتابه ليك اسلمه
وامر يا مهجتي بهاكذا ظروف تنصر ابو اليمه
اخذ يا گرت العين واقراءه البيها هالحين
هاذي اوصيته عودك المسموم يوليدي يا مظلوم
هاي الحومه يبني وهاي الجنود تطلب عمك حسين
گوم بكل شجاعه وبالحرب ذود يبني يا ضوه العين
ناصر عمك وبرويحتك جود واصبح نعمه المعين
ظل وحده يجاسم وبصدره الف هم
وحده والكفر من حوله تحوم يوليدي يا مظلوم
وحده عمك بهالديره يمه ومحوطته عدوان
مامش ناصر اليكشفله همه وحده بوسط ميدان
المن يلتفت ما باقي يمه غير النسه ورظعان
حاير عمك حسين لا ناصر ولا معين
وحده بهالوضع وتحوطه الگوم يوليدي يا مظلوم
غيرك ما بگه يوليدي ويياه بالحومه الينصره
انهض ونطي روحك فدوه لثراه وصبح تحت امره
ابرز للحرب نادي وحگ عيناه اضر الي يضره
يبني ونفحة الروح ضحي ارويحتك روح
يالدون الشباب اصبحت محروم يوليدي يا مظلوم