تويت
عودك يجاسم عنده وصيه
عودك يجاسم عنده وصيه ساعة وفاته سلمها أليه
يارمله گال انطيه مكتوبي وزفيه عرسه الشهادة بالغا ضريه
**************************
ينفحت روحي يا جاسم وأمل كل عمري وسنينه
وينسمت شوگ بنفاسي ويگلبي وكل شرايينه
كتابه ألوالدك بيدي گال أنتي التسلمينه
بخير أنفاسه سلمني وصيته وصدلك بعينه
*عودك همسلي وخبرني يمه برض النوايب مكتوبه أسلمه
واليوم أريد أوفيه مكتوبي وزفيه عرسه الشهادة بالغا ضريه
يجاسم هاك اخذ يبني وصيّت والدك وقراه
تدنّت ساعة البيها تفدي بروحك ألعتره
هاذي كربله وهاذي أعوان البغي وكفره
تقدم يا ظخر عودك وضرب بيدك ألزمره
*طب للحرايب وعلن ولائك العترة محمد وبذل دمائك
يا عمري والظل بيه مكتوبي وزفيه عرسه الشهادة بالغا ضريه
تأمل جمعة أهل الشر عدد يا جاسم وعده
وشاهد عمك الوالي بالحومه صبح وحده
ينادي ويندب الناصر ونار الفاجعة تضهده
وغيرك يانبض گلبي ناصر ما بقه عنده
*وجهه يديره صوب المخيم وعيونه تهمل دمعتها بالدم
يفتر جمعها أعليه مكتوبي وزفيه عرسه الشهادة بالغا ضريه
حانت يا لولد يبني لحضه صولتك عا لشر
ابرز نادي انه القاسم وجدي حيدر القسور
انه ابن الحسن نادي يجاسم وگحم العسكر
ذكرها بدر وحنين والخندق وبخيبر
*إن تنكروني بالحومة نادي وروي المهند دم الأعادي
دمهم يصّب خليه مكتوبي وزفيه عرسه الشهادة بالغا ضريه
**************
أبو أيمان