تويت
حاجيني يالميمون
حاچيني يالميمون بلحومه عفته أشلون
انشد على الوالي ليش السرج خالي
بلحومه عفته أشلون
***************
يميمون الگلب ما يحمل وعلته
كبرت يا مُهر حين السرج شفته
اسئلنك عضيدي بيا ارض عفته
وعدمن يا مُهر بلحومه أمنته
بيش أتخبر أعياله اجيت انته
يمن گلبي برجعتك ليه مرمرته
شنهو الجبتلي وياك وليجره شنهو أهناك
گطّعت دلالي ليش السرج خالي
بلحومه عفته أشلون
تصد عيني أعله سرجك والفكر مني
يشّت ولوعتي تهديني الوني
تشب نار الحزن بيه وتعذبني
وأهيمن بالآم وجروحي تؤلمني
اذا عندك خبر ها لساعة خبرني
وإذا تگدر أريد الكتره ترشدني
يا مهره خذني وروح تنحب عليه الروح
يالعذبت حالي ليش السرج خالي
بلحومه عفته أشلون
أخذني يا مهر يم جسمه وديني
وارحم دمعتي ألما تنشف بعيني
على حسين الولي ردتك تدليني
أريد أوصل مچانه وعلن اونيني
انه بحمحمتك اختلت موازيني
وذابت كل مهجتي ونوحي يؤذيني
يا مهره وين الگاه لو ردت انه اتعناه
لتخيّب أمالي ليش السرج خالي
بلحومه عفته أشلون
اريدن للذبيح بلوعتي أتعنه
اشوف أجروح البجسمه وضمدنه
أريد اهناكه يمه وأعلن ألونه
وخبره أعله ألعده الصارت تحاصرنه
سبونه حسين خويه وحرگو اخيمنه
ومن جور وظلم خصمك تمر مرنه
حاطت علينه أشرار وخيمنه شبت نار
والدمع ضل هالي ليش السرج خالي
بلحومه عفته أشلون
بحزان وكدر يا مهره ومصيبه
وأشكال الدهر راو انه تعذيبه
أريد حسين اگصده صاحب ألهيبه
وگله اشعوگك شو طالت ألغيبه
وأريد اصبغ جبيني من دمه شيبه
وصيح الراح مني اشلون انه أجيبه
أرد أنرمي أعله أثراه وتعفر أمن أدماه
وشكيله أحوالي ليش السرج خالي
بلحومه عفته أشلون
خادم الأمام الحسين الشاعر أبو أيمان المجراوي
تعليق