تويت
يحسين امك انه الزهره يبني
يحسين أمك انه ألزهره ..... يبني
تربي عليك عيوني بعبره .... يبني
واصرخ كل حين .... وندب يحسين
اندب يحسين .... واصرخ كل حين
&&&&&&&&
تصد ألحالتك عيني......... وتصد للحومه يمه عين
وذهول الحيرة يأخذني ..ويرسيني أعله شاطي البين
وانه يا يمه بگلبي ............. نسعر يالولد ناريين
نار ألحالتك بألطف ............. ونار ألحالتي يحسين
انظر ألك وتحير بأمري .... يبني
يا نفحت روحي وكل عمري .. يبني
انه بناريين ........ وندب يحسين اندب يحسين ..واصرخ كل حين
اصدلك وانته متوجه ........... ينفحه روحي للحومه
وشعور ألعبره يغمرني ......... ويهيّج روح مالومه
كل خطوة جدم عل الگاع... أشوف إحزاني مرسومه
وأحسّن هلت ا دموعي ....... أعله جفني وفاض بدمومه
خطواتك طعنات بصدري .... يبني
بالدم تسگي أدموعي التجري.. يبني
فوگ الجفنين .... وندب يحسين
اندب يحسين.. واصرخ كل حين
موهيّن علّي يبني....... أشوفك وانته بالميدان
لا ناصر ألك لمعين ... ضامي وبالعطش لهضان
تصد أيمين ويه شمال ..... تندب يا بني عدنان
آلا من ناصراً وانه .... تشب بضلوعي النيران
موهين يحسين وتدري ... يبني
أتحمل واشهد ما يجري ... يبني
وتشوفه العين ... وندب يحسين
وندب يحسين . واصرخ كل حين
أذا عيني تصد زينب...... حزن فوگ الوجه منحوت
مثل نوح اليتامه انه......... أنوحن وبحرارة صوت
وإذا اشو فنها مچتوفه ............ ما بين النذالة أتفوت
اذررن بال دمه دمعي ............. وغصّن انه غصة موت
من تندب ياعزّي وخدري .. يبني
انهض خويه وشاهد أمري .. يبني
اصفگ راحين .. واندب يحسين
اندب يحسين . واصرخ كل حين
جسد مرضوضه أضلوعه .... أشوفك يبني وتلوّع
سليب وعل الترب دامي ..... اصد كترينك امگطع
تحني ادمومك الغبرة .... ويعانق جسمك المصرع
وعينك تربي المخيم ......... وبحصرة حزن تدمع
ذبحوك ألما عرفوا گدري .. يبني
عظملي الباري بيك اجري..يبني
وبيوم الدين... اندب يحسين
اندب يحسين. واصرخ كل حين
الشاعر أبو أيمان المجراوي
تعليق