تويت
عودة السبايا
ردينه بالضعون ** ردينه بالضعون
.......................................
زينب بضعن ألنبوه عوّدت عكب اليســــــر
عوّدة للغا ضريه بدمعة أهات وكــــــــــــدر
توجهت لكبور أهلها أتصيح وينك ياكمــــــر
ردينه بالضعون ** ردينه بالضعون
................................
على أتراب الغاضريه حين داست بالجـــــدم
والدمع من عين زينب بالوجه ضل يجري دم
هم على قلب العقيلة ما اضن يشبه له هـــــــم
ردينه بالضعون ** ردينه بالضعون
...............................
بالظعن بنت الرسالة اليوم وصلت كربلـــــه
من أراضي الشام عادت ويه باقي العايلــــه
حايرّه وزايد ألمها أتوجهت صوب ألفلــــــه
ردينه بالضعون ** ردينه بالضعون
..................................
يم قبر واليها ناحت والقلب مملي حــــــــزن
أتكله يا خويه الجراء لي نحل من عنده البدن
هذا حالي إخلاف عينك ما رحم بيه الزمــــن
ردينه بالضعون ** ردينه بالضعون
.....................................
والقبر عباس راحت والفكر منها أنذهـــــــل
بلوعة الأم ومصايب هذا بيها ألي حصــــــل
شلون يا ضرغام عندي باعدك خويه الأجــل
ردينه بالضعون ** ردينه بالضعون
................................ابو ايمان المجراوي
تعليق