تويت
يحسين زينب عوودت
يحسين للطف عودت زينب بالاعيال .
. مالومه من ذاك اليسر والدمع همال
*****************
لاحت مشارف كربله بنضار الضعون
ومن دمعة الدم الجرت ما ضلت عيون
يحيسن كومك عودت بسمك يندبـــــون
* انهض وشاهد يالولي ردت بشد حال
............................
حين اوصلت ضنوة علي لگبورالاحباب
نادت عليهم ياهلي والدمع سچــــــــــاب
صاحت يگومي والجفن من دمــعته ذاب
فيض المدامع ما نشف ياوالي من ســـال
..............................
نادت عليهم بالحزن زينب يالاكـــــــــرام
عود ضعكم ياهلي من ديرة الشــــــــــــام
ردت حرايركم تون واتصيح الايتـــــــــام
چاوين اهلنه وتلتفت ايمين وشمـــــــــــال
................................
شالت نضرها وعاينت لن شافت العيــــــن
شافت معالم للاهل شيدها البيـــــــــــــــــن
لن صرخه من عدها اعتلت ياهلي الطيبيـن
من النحب ههذا القلب اتكطع اوصــــــــال
...................................
للغاضريه عاودت بالضعن زينـــــــــــب
بالمهجه نيران الحزن ياوالي تلهــــــــــب
ساعه تون اعلى الاهل وساعه تنحــــــب
تتذكر ايام اليسر ما بين الانـــــــــــــــذال
..............................
شهكه اعلى شهكه عودت مكطوعه الافاس
وبيد المصايب والكدر تلطم على الـــــراس
وصارت تحشم بالفله وينك يعبـــــــــــــاس
خويه بصدر اختك غرس الضالم انبــــــال
...........................ابو ايمان المجراوي
تعليق