تويت
يحسين الوضعته صار امانه بركبة الاحرار
يحسين الوضعته صار ***** أمانه ابرگبه الأحرار
أتصونه وتحامي أعليه ***** بالدم بالنفس تفديه
مهما شاءت الأقدار ******* أمانه ابرگبه الأحرار
*****************
1- يحسين الوضعته انته .... أساسه أيقيم عالوحده
دينك يا شبل حيدر .......... بفروعه المُعتده
نهج واضح رسمت ألنه ......... ما مستلزم أبمده
ولا حقبة زمن وتمر ..... باقي الكل وكت مده
نظامه مو خفي عالناس ... وأصوله واضحه ألعده
ولأهو حاله حتى أتروح ........... ولأهو ماي يتبده
هذا الدين يا مولاي ............. بين أيديك تم شده
بعد ما صغته ألنه أفكار ....... أبدم نحرك ومستنده
* دينك بالگلب مغروس ....... مذهب نفتديه بالروس
يا بن حيدر الكرار ........... أمانه ابرگبه الأحرار
***************
2- فتشنه الكتب يحسين ........ وابحثنه بصول الدين
شفنه المعتقد واحد ........ وابدأ ما يصير اثنين
كل الكتب بيه تشهد ......... دين الثبتاه حسين
وكل جيل أبرحى التاريخ ............ أيد بيه متأكدين
ونرجع للزمان ألفات ..... نشوف الدين قبل أسنين
نرجع من عهد احمد ......... وأحفاده المعصومين
نشوف أن النهج واحد ......... ما مره صبح نهجين
نشهد بثنعش معصوم .......... محد خالف الباقين
وكل أهل العلم لليوم ........... عن هالا مر متفقين
وعمر الحاجب أشما صار .......... ما تعله عليه العين
چا شنهو ألاجاه هسه ........ وخلاه انقسم قسمين
ويا دين الصبح قسمين ........ إذا مو أهله متفرقين
مو ذنب الديانه هاذ ........... ولا ذنب الزمن والبين
هذا الذنب ذنب الجيل........... ما يعرف مصيره وين
* بالدين وطعن بالدين ....... ناسي شنهو گال حسين
يوم الخاطب الأشرار .......... أمانه ابرگبه الأحرار
************************
3- انهض واستمع يحسين ............ لنصار اليهوديه
وشنهو ألي يهدفونه ...... ذو ألفكره ألشيوعيه
شنهو الغايه ألعدهم .............. أحفاد ألوجوديه
كلها أبلا علم سابق .............. تتصرف أبوحشيه
رادو تفرقة هالدين ................ بالسر والعلانيه
نشروا بيه چم فكره ....... فهمها بالعكس هيه
بقصد لو مو قصد همه ...... العدو الدين عونيه
لان ماكو نفر منهم ........... قرر يرجع ألوعيه
وينضر نضره للتاريخ ........... وأوراقه المطويه
ويشاهد أبو الأحرار ............ من ثبت ألقوميه
وگال الدين لهل الدين ............ قوميه وقدسيه
الدين ألي سگاه حسين....... ومن دمه صبح ميه
محد يگدر أيفرقه ....... مهما أفكاره وأعيه
* هذا دين أبو أليمه ... ساقي أجذوره من دمه
وكل قطره تساوي أبحار ... أمانه ابرگبه الأحرار
********************8
4- يحسين أشعله العوام ...... غير أمتابع العالم
تتبع رأيه شنهو ايگول ............. ودوم آوياه تتوالم
هاذي أوصية المهدي ............ والي الأمر والحاكم
حثّانه على التقليد ............ وهذا أمره أبو القاسم
گال ألي تشوفونه ................. مصلي ألربه وصائم
ومتابع عباداته ....... ..........ولشهواته أمخاصم
أمر الكم تتبعونه .................. كلتكم يهل الوادم
وليطمح علم أكثر .................. يصبح فخر للقائم
هاذي أوصية المهدي .................. وافهم يأبني ادم
ما گال اطعنوا العلام ................ وفرقوا عالم وعالم
واحد غالوا بيه أكثر .................. وأخر بس للمشاتم
گال الكل حجج ألنه ................... وبيهم ديننا غانم
ليش انتم وضعتو أحدود ........ وقسمتو الدين والعالم
* هاذي مو أصول الدين ...... ولا نهج ألي خطه حسين
نهج احمد فلا يندار ............... أمانه ابرگبه الأحرار
**********************
5- مو غلطه الشباب اليوم ........... بأمور الدين تتّبع
بس غلطه القراء له أكتاب ...... أنه يطعن أبمرجع
مجمل من شباب اليوم ...... تحب للدين شي توضع
نأخذ مختصر منهم ...... ونشوف اشيضر وشينفع
أول شي نجي التقليد ............ المن حوله المُبدع
صار آلة طعن للناس ........ ومهانة ونقمه ومفزع
ونفاق وثرثرة وأخبار ............. ملها صححه ومنبع
صبح أفه وبدت تنمو .......... بينه أسرع وأسرع
لان اثنين صار الدين ............. وكل واحد فئة تتبع
واحنه إخوان صرنه أخصوم وما ندري منو الأشجع
ويا هو ألتوصله ألسانه ........... لو ثوّور شنو المدفع
هيچ أبوجه أخوه أيصير . بس خصمه الحقيقي ايكع
ومن يگعد يحدث الناس ........ تتنوع له چن مصنع
يصنع بالكلام اصنوع ........... ومحد مثله من يصنع
بس نفسه وشهواته ............... يصير اگبالهن يركع
نسه نفسه ولي الشيطان ........ والمن بالحشر يرجع
نسه الغايه الحقيقيه .......... هذا الشاب وشيصنع
* ظل يعبث بأمور الدين ....... يطمح يوصل العليين
والدين اشحدث واشصار ........ أمانه ابرگبه الأحرار
**********************8
6- مجمل من شباب ............. مغرور أبطبع حاله
في باله القراء له أكتاب ............... كل الناس تبرا له
يحس أبنفسه بين الناس ........ چبير وماكو أمثاله
ويرد يحلم بأمور أهواي ......... وعليها أيعلق أماله
بينه وبين نفسه ايگول .......... انه المثلي هنياله
انه فاهم أبهذا الدين ........ وعندي أفكار منهاله
ما يدري الفكر هاذي ......... تحارب احمد أو اله
تحارب حيدر الكرار ........ ودم حسين وعياله
كلمن مقصده للناس ....... يعمل باطل اعماله
يا دارس يا متعلم ................ هذا ربك الگاله
* هيچي ايگول ربنا الله .......... وانته أتريد تتحداه
يا غافل چثيره أخبار ............. أمانه ابرگبه الأحرار
***************8
7- يحسين العقيده أتريد ......... ناس التعتصم بيها
وتريد أمثابر وإخلاص ............. وتمسك من أهاليها
تحب الواعي والمبدع .............. وتريد اليضاهيها
العقيده معتقد واحد ............... رغم كثرة معانيه
واحنه اليوم يا مولاي ............ جبنه أعلاها واطيها
جزئنه العقيده أجزاء ........ ولفكره ألي تحويها
بعقل رجعي يبو الأحرار .......... احنه أنريد نحميها
بجهل احنه وأنانيه ........... نريد أنعيد ماضيها
العقيده ألي حملها حسين .......... ما نوصل الطاريها
* ضيعنه الهدف والدين ....... وما ندري الحقيقه وين
عنده امشوشه الأفكار ........... أمانه ابرگبه الأحرار
****************************
خادم الأمام الحسين الشاعر أبو أيمان المجراوي
سنة 2000 ميلاديه