تويت
بسم الله الرحمن الرحيم
والصلاة واتم التسليم على محمد خاتم الانبياء والمرسلين
نعزي الامام القائم الحجة بن الحسن بالفقد العظيم والمصاب الاليم لذكرى شهادة ورحيل الرسول الاعظم صونعزي الامه الاسلاميه والانسانيه جمعاءبهذا المصاب الجلل /انا لله وانا اليه راجعون
وامحمداه...
شعر شعبي عراقي بقلمي/أخوكم خضير عباس الحسني...
ظلمه الدنيا جانت من طلعت أتنور
وعله أطراف الجزيرة أنطشت انوارك
قبائل عالنهب وأعله القتل تقتات
اوهذبت القبائل طه بافكارك
غيرت العقول وحاربت طاغوت
اوطيحت الاصنام أبعزم ثوارك
ثورة اعله الجهل والخوف والمظلوم
لبس ثوب الكرامة أوعاش بكتارك
امين وصادق وحامل رسالة دين
وسمح لهل السماحة وماضي بتارك
ياطاعم الفقرة وكاسي الجوعان
ويانعم الكريم الما طفت نارك
رمز اسمك محمد للعدل والخير
مشتق من صفات الرفع مقدارك
يمحمود الطبع يااحمد العنوان
كل كتاب نازل قدس اسرارك
تبجيك اليتامة بساعة التوديع
وتضج الملايك نزلت أبدارك
أومابين اليتيم وملك يبجي اعليك
جنح جبريل يلطم بالعزه أمشارك
حاطاوا بالجنازه وحيدريناديك
يبو القاسم ينوح بجفي فقارك
بعد بيمن نلوذ وأنته عنه تروح
يبو كلب الرحوم التفكد الجارك
يبو الزهره النهار أخلاف وجهك ليل
ليل مصاب فكدك يطلب أبثارك
يطالبنه أبسهر وأبحزن مد الشوف
وأبمدمع يسيل أبوجه خطارك
ماضل بالنواظر حتى ألك نبجيه
يبو القاسم دمع من غابت آثارك
بجيناه لوصيتك بالحسن وحسين
وليوم الطفوف الذكرته أخبارك
ولحال الزجيه بضربة البسمار
عكبك صب دمعنه ونطلب أعذارك
وعله أطراف الجزيرة أنطشت انوارك
قبائل عالنهب وأعله القتل تقتات
اوهذبت القبائل طه بافكارك
غيرت العقول وحاربت طاغوت
اوطيحت الاصنام أبعزم ثوارك
ثورة اعله الجهل والخوف والمظلوم
لبس ثوب الكرامة أوعاش بكتارك
امين وصادق وحامل رسالة دين
وسمح لهل السماحة وماضي بتارك
ياطاعم الفقرة وكاسي الجوعان
ويانعم الكريم الما طفت نارك
رمز اسمك محمد للعدل والخير
مشتق من صفات الرفع مقدارك
يمحمود الطبع يااحمد العنوان
كل كتاب نازل قدس اسرارك
تبجيك اليتامة بساعة التوديع
وتضج الملايك نزلت أبدارك
أومابين اليتيم وملك يبجي اعليك
جنح جبريل يلطم بالعزه أمشارك
حاطاوا بالجنازه وحيدريناديك
يبو القاسم ينوح بجفي فقارك
بعد بيمن نلوذ وأنته عنه تروح
يبو كلب الرحوم التفكد الجارك
يبو الزهره النهار أخلاف وجهك ليل
ليل مصاب فكدك يطلب أبثارك
يطالبنه أبسهر وأبحزن مد الشوف
وأبمدمع يسيل أبوجه خطارك
ماضل بالنواظر حتى ألك نبجيه
يبو القاسم دمع من غابت آثارك
بجيناه لوصيتك بالحسن وحسين
وليوم الطفوف الذكرته أخبارك
ولحال الزجيه بضربة البسمار
عكبك صب دمعنه ونطلب أعذارك
نسألكم الدعاء
تعليق