تويت
يجري اعليك دمع العبره* يجري اعليك يبن الزهره
يجري أعليك * دمع ألعبره * يجري أعليك * يبن ألزهره
كل دمعه التصب تنحب * بسم العسكري تندب
**************
يصب دمع الجفن يالعسكري من دم
ومله أحبابك لثر حزنك شديد الهـــم
تعمق بينه حزن الفاجعه والســــــــم
سرى بعروق ألي واليك يبو القائـــم
هاي العين * دم مدمعها * هاي العين * هم منبعها
والمدمع دمه خضب * بسم العسكري تندب
يجري أعليك * يبن ألزهره
*************
حمم ترمي المصايب والهدف احنـه
وبراكين الحزن بعماقها طحنــــــــه
أعله فگدك يالحسن بالونه من صحنه
وعظيم النوح لمصابك بألم نحنـــــه
صار النوح * يبن الهادي * صار النوح * للون حادي
وألون للدمع يطلب * بسم العسكري تندب
يجري أعليك * يبن ألزهره
*************
يهيم العاشگ ابمعشوگه وبــــــوده
وتصير الروح أسيره للهوت عمده
الغرام فنون واحنه أبفنه نتحـــــــده
العشگ وأهل العشگ مهما بلغ حده
بينه أيعيش * حب ألعتره * بينه أيعيش * رغم ليجره
ناجي ألي شخصهم حب * بسم العسكري تندب
يجري أعليك * يبن ألزهره
*************
جرح بينه ألحزنهم بالمهُج نايـــــم
وألم طول العمر يمتد دمع راســـم
جرح عمقه الدهر وبظلمته عاتـــم
يعيش أبكل جفن يتنطر القائـــــم
بينه أجروح * صارت كثره * بينه أجروح * نار اموجره
طول اعمارنه تلهب * بسم العسكري تندب
يجري أعليك * يبن ألزهره
*************
وحق رب ألجلاله ألي خــلق ادم
يضل لأل النبي دم الدمع ساجــم
علناها بوجه كل باغي كل ظالـم
يضل كل شيعي آب أل النبي هايم
حب حسين * دم نفدي له * حب حسين * ونضحي له
مهما الدم يضل أيصب * بسم العسكري تندب
يجري اعليك * يبن الزهره
*****************