تويت
بسمه تعالى...
بدموع حيرى وقلوب حرى نتوجه الى الساحه المقدسهلصاحب العصر والزمان أسر الله قلوب الوالهين بمقدمه الكريم
بالتعازي والمواساة لشهادة الأمام الحسن العسكري ع ونسأل الله القبول
ثأر الله....
بقلم اخوكم خضير عباس الحسني
أتواسي كلبك يابو صالح بالمصاب
وحايره اليا صوب تكصد شيعتك
تذرف الدمعات وتنوح أعله أبوك
وانته عنهه بعيد يوم أمصيبتك
ضنهه بالتفجير حاضر ونتخيت
أتصيح بويه أشلون حركوا كبتك
عالمراقد تفزع ابسيفك تذود
أوتمنع العملوه ناس الفجعتك
لجموك اجروح كل ذيج السنين
البيهه مات العود وأنته أبحسرتك
وعفيه صبرك شفته من سمهم يلوج
أبين أديك أشلون جانت حالتك
بالصلاه يوصيك من حان الوداع
والبصبر عن طول مدة غيبتك
مات مهضوم الكلب ماراحه شاف
ومن حزن يومه أتكطع جبدتك
لجن حاضر جنت يوم الوادعاك
ومن شبكت أعليه تسجب دمعتك
جسمه ضل محفوض غسلته وعليه
كبرت صليت حضرت شيعتك
وسديته الكبر محفوض المقام
ومنه رديت أبكرامة هيبتك
لجن حاله أشلون عطشان الطفوف
ياهو جان أوياه أنشد عبرتك
ضل ثلاث ايام مرمي اعله التراب
وصلت بجسمه السيوف العادتك
حسين يتشيع عله أطروف الرماح
والسبايا أنشد يمهدي أشآذتك
وعفيه صبرك وأنته بدموعك تلوذ
وعن رضيع أحسين ياهو النشدتك
وعالكمر عباس وجفوفه الثنين
العذر منك لوكلت من سألتك
الزهره ماتنسه وعلي يوم الطفوف
ومنك أناشد يمهدي أشوصتك
تريد منك ثار كل منحر ذبيح
وكل جبد مسموم آذه لمهجتك
ضاكت الدنيه أبكثر مابينه ضيم
يمته نرتاح ونسر أبطلعتك
نسألكم الدعاء...