تويت
محمد (ص) يا حبيب الله
محمد يا حبيب الله
***********
اسمحلي ادخل رحابك سيدي اليوم ........ وغوص أبحر شخصك يا محمد
وطهّر روحي من ادخل حضرتك ......... وما ضن من طلبتي انته أتـــردد
اادخــــــــل يا رســــــــــــول الله ......... اادخــل يا حبيب الله يا احمــــــــد
كريم انته أعـــرفك ما ترد دوم ......... ويفوقك بالكرم غير الله محــــــد
أذا ادخــل يبو ألزهره ألحضرتك .......... لان گلبي أبقبولك سيدي اتئكـــد
ولأني أعرفت خصله من مزاياك .......... انك رحمه جاي الهلخلگ تمتــد
لچني ابحيره هسه سيدي مولاي .......... اسولف عالولاده وأحله مولــــد
لو عــــن شخصك وقمت صفاتك .......... الما ينوصف بيها سيدي احـــــد
عــــــن الاثنين اسولف حتى محتار ......... عن يومك وعنك يا لمـــــــؤيد
واطلب عذر منك لان مهما احچيت .......... ألوصفك مكدر أوصل اي تأكد
ظلمه ألدنيه چانت والفجر طـــــر ........... ونزعت دنيتك كل ثــوب اسود
ومـن ساعة البزغت شمسك أبخير.......... ظلام ألدنيه مـــــــــولانه تبّد د
ومن ساعة دخولك غــــــار حراء ........... وتنزيل الفــــــلق وإقراء تردد
ألسمه والچاع كلها انزرعت أزهار ............ وكبّر كل شخص للواحد احد
كريم أعله الخلگ نوره تشعشع .......... رحمه ونزلت أعله الأرض تگعد
طمئنينه وهــدايه وبشره للناس ............ ونجاة وفرج هيه وبعــــــد أزيد
أمانه وصدق هوه وللعدل ميزان ............. ونضال ومبدءا وللقيـــم مسند
وإذا ما بيه هذا انشد اشــــلون .............. رضاله الله ألقاب القوس يصعد
منو منكم ساءل نفسه أبوجدان .............. ليش أنوضع اسمه بالتشــــهد
وليش اليشهد أبوحدة الرحمن .............. إذا ما يذكره باطل وتنــــــــــرد
لان الحق اللاهك والنبي مسراه .............. وإخلاف النبي ما عبد عابــــد
ولان الــــدين ناقص أذا ما بيه ................ شهاده با لنبوه وبيه تأكـــــد
ولان هاي الرساله طلبت المختار ............. ولان دين الله لولاه ما توحد
ولان روس الكفر للهادي تنصاع ............... ولان كل ألبناه إبليس ينهد
چاعمي اشنسولف بعــد وانگول .............. أذا عنه قصيده أنريد نقصـد
***غير ألف الصلاتِ والسلام .............. أعله محمد وال محمد ***
*****************
سنة 2003
تعليق