تويت
كسر الضلع ناره لسان حال الحجه (عج)
بسم الله الرحمن الرحيم
قصيده عن الزهراء عليها السلام بلسان حال الامام المهدي عجل الله تعالى فرجه وسهل مخرجه
************************************************** ************************************************** *****
قصيده عن الزهراء عليها السلام بلسان حال الامام المهدي عجل الله تعالى فرجه وسهل مخرجه
************************************************** ************************************************** *****
كسر الضلع ناره ... يا لزهره تكبر
لازالت أثاره ... بضلوعي تسعر
تعيش وياي ... كضت دنياي
بضلوعي تسعر
**************
تعيش بداخلي أضحت ظلامة أمي ألزهره
وخيالي ما سكن لحظه ولا فاركه ها لذكره
كسر بيه الزمان أضلوع ييمه بضلعج وكسره
وغدت عيني تصب أدموع كل يوم أليهل فجره
ودموعي من ذرفت ... واقعها مأساة
يا يمه ما نشفت ... منبعها بالذات
وانه أبلواي ... كضت دنياي
بضلوعي تسعر
*************
نعم نار التشب بيه لاجن ماهي مثل النار
ولا غصة حزن ماضي حدث وأصبح ألي تذكار
في هول المنايا اسكن اقبل واركب الأخطار
ولا اقبل نفر باغي يحرق عالجليله الدار
نار العشت بيها ... ما تطفأ للدوم
مندثر ماضيها ... ولا ينسي يوم
مستعره بحشاي ... كضت دنياي
بضلوعي تسعر
**************
هجوم أهل الشرك عالدار لازال بخيالي أيدور
وجرح ألعصره والمسمار منهن خاطري مكسور
الصبر حكم بكتاب الله وفرج بعد الصبر وسرور
لا جن يا صبر يحمل جرح بيه النهج منحور
لا والله يالبضعه ... مهما الصبر راد
يتعايش بطبعه ... ما يوفي المراد
شح صبري من هاي... كضت دنياي
بضلوعي تسعر
*************
حقب مرت وانه بهالحال واتنطر وعد ربي
وبوجداني يا زهراء همي ولوعتي امخبي
بصميمي تسكن الآلام وترجم للصبر نحبي
وأعيش أبهاجس اسمه الثار وانه للفرج اربي
مهما تمر أعهود ... بعمري وزماني
اليومي الموعود ... انطر وتاني
بدمع عيناي ... كضت دنياي
بضلوعي تسعر
**************
قسم يا لزهره بالمذبوح جدي حسين وعياله
من أعمق جذوره الجور اقطعه واحرق أوصاله
وحقج يم ضلع مكسور مهما أتمادى بعماله
عليه افرض حقوق الله وغيّر هالوضع حاله
أوصل عقر داره ... وعليه أقم حد
والتف على أنصاره ... ما خلي احد
وأنصاري وياي ... كضت دنياي
بضلوعي تسعر
***************
خادم الزهراء الشاعر ابو ايمان المجراوي
تعليق