تويت
نداء الزهراء
اعتب مانفع كلبي بالاعتاب
يحيدر صكطو محسن بالاعتاب
لا تشكيلي يالزهره بلا اعتاب
لون مرخوص ما جتفو ايديه
**********
مثل عباس ماواحد شبيهه
الدنيا عكبك العنهه شبيهه
ام الخدر شنهي امهه وشباها
ابوها المرتضى وامها الزجيه
**********
بديه النار اطفيها وشبن
وفكدت اكبار خواني وشبان
شفت يحسين بمتوني وشبان
السياط البينت من ال اميه
**********
يجافل شوف حالتنه وصدهه
ورد الخيل بجفوفك وصدهه
يخويه تسمع الونه وصدهه
اهي سكينه تون يابو الحميه
************
هاك الكلب مازرعه وخضره
الحجه رايته بيضه وخضره
ابد ماينتظر عيسى وخضره
يتنطر تجي الشيعه سويه
***********
يالجافل شوف حالتنه وضعنه
ترى بغيرك تفرهدنا وضعنه
اطفال حسين اذوها وضعنه
مشى للشام عاف الغاضريه
**********
الزمن والبين عكبك سلسلوني
وابن زجر وخوله سلسلوني
يخويه الحرم عنك سل سلوني
جا عباس وين البي حميه
************
الامر مكتوب وامسجل من الحي
وشكلك خويه باطفالك منا حه
ادور صرت باخواني منو الحي
يكوم بساع اجتنه ال اميه
***********
تحجي الناس من ابجي ولمتني
دشوف امتون عماتي ومتني
انا السجاد يا لايم لمتني
من انوحن والبجي يخفف عليه
**************
الزمن سيفه بركبتي وموسبيه
واحس ادم بروحي وموسىبيه
اخت حسين انه وموسبيه
واخت عباس انه الهاشميه
للشاعرالحسيني محمد الابراهيمي
(البصرة)