تويت
جرحك علي بيه صبح
جرحك علي بيه صبح .. بيه كل عضو بجسمي أنجرح
جرحك حيدر .. بالروح اثر .. بيه كل عضو بجسمي أنجرح
*****************
يا حيدر النار أسعرت . وسط الگلب وتوجرت
والروح منها يا علي . أتألمت وتأثرت
وبهذا جرحك يالولي . زمجرت هيه زمجرت
ما خلّت بجسمي عضو . حيدر عليه ما سيطرت
دلالي بالنار شتعل .. ودموعي فاضت بالمُقل
گلبي أتبعثر .. بالروح اثر .. بيه كل عضو بجسمي أنجرح
**************
مرّات مرّت وشكثر . خلّفن بجروحي أثر
لأكنها هالمره اشد . والگلب من عدها انفطر
نصين أصبح هالگلب . وبعلّته غص وانحصر
فاض وغرك في دمعتي . من هطلت دموعي مطر
يا علي هالمره الألم .. متعمم بكل الجسم
مؤلم أكثر .. بالروح اثر .. بيه كل عضو بجسمي أنجرح
**************
متألمة الروح وتون . تنحب ألك يا با الحسن
تبچي ألمصابك يا على . من ساعته ألهذا الزمن
محزونة حيل وما هده . ألجرحك وألمها ما سكن
جرحك صبح جرح العصر . وكل عصر لجروحك حزّن
يا علي جرحك من يمر .. يخطفها أرواح البشر
ناره تسعر .. بالروح اثر .. بيه كل عضو بجسمي أنجرح
***************
والعين يا حيدر تصب . ودموع من دم اتسچب
ها لجرح ناره يا لولي . ما تبرد أبون ونحب
دم الدمع مهما يهل . ومنه الجفن أصبح خضب
لا ما يسكّن علتي . چا بيش اصبّر ها لگلب
بالألم عايش ها لعمر .. وتألم الطول الدهر
وبس أتحصّر.. بالروح اثر .. بيه كل عضو بجسمي أنجرح
*****************
ساعات مو هينة تمر . من كل سنه بهذا العمر
جرحك سببها يا علي . وبكل سنه أيزيد الأثر
جرحك علي بينه اندمج . ونعيش وياه بكدر
هذا الجرح يا با الحسن . عايش أبأعماق البشر
ألقصه مو قصة جرح .. ولا الم يا عالي الصرح
ألقصه اكبر .. بالروح اثر .. بيه كل عضو بجسمي أنجرح
***************