تويت
دموع العين يبو الحسنين
دموع العين .. يبو الحسنين
تصب أدموم .. عليك اليوم .. يبو الحسنين
*********
عليك ألدمعه يا حيدر تضل تسيل
تضل تجري العيون بدم نهار وليل
نظل وياك يا حيدر وله احنه أنميل
عن حبك يداح الباب رغم الويل
*نظل ننعاك.. گلبنه أوياك
يزين الگوم .. عليك اليوم .. يبو الحسنين
***************
يتامه احنه بعد فگدك يحامي الجار
يمن فگدك هضمنه وشمّت الشرار
أبعدت عنه يوالينه وحزنّه صار
نار وبالگلب تچوي بشديد النار
*صعب فرگاك .. يمن طرواك
بينه ايدوم .. عليك اليوم .. يبو الحسنين
***************
على طول الزمن يا سيدي ننعاك
يظل دم الدمع يجري وحك عيناك
ابد ننساك يا حيدر ابد ننساك
واحنه با لشدا يد نلهج بطروا ك
*ألك كل عين .. تصب يا زين
واحنه انحوم.. عليك اليوم .. يبو الحسنين
***************
الم جرحك يبو اليمه سكن بينه
وعاشت بالگلب منه نياشينه
يئلمنه الجرح واحنه تئذّينه
من كثر البچي والهم يوالينه
*نون كلنه .. يحيدرنه
بگلب مالوم .. عليك اليوم .. يبو الحسنين
عهد منا يحيدر بالدمع نحجيه
يضل دوم الگلب مولانه ذكرك بيه
يضل جرحك الم بينه ونون أعليه
وحين ألي يمر بينه بدمه نبجيه
*مُصابك نار .. چوه الأحرار
يا قنسوم .. عليك اليوم .. يبو الحسنين
****************
تعليق