تويت
يا علي ينادوني
يا علي ينادوني .. عگبك وسموني
قلعة الأحزان .. وصبحت عنوان
بدمعة البعيوني .. عگبك وسموني
************
زينب انه وطود الحزن عاش وياي وندمج بسمي
والهم تحداني وبلغ بيه وزاد وختلف رسمي
سهم المصايب أضحى نابت بحشاي ونطعن جسمي
بدمعتي والامي .. خلّصتها اعوامي
ولچمت أجروحي .. لوّعت روحي
من الفرح حرموني .. عگبك وسموني
***************
ذاخر لي دهر النايبه حفنه اللام ذوبت شمعي
وجرّد سچاچينه القدّر وبطعنات هشمه الضلعي
وانه ويدمعي من الصبا يا دنياي ما نشف دمعي
وصبحت مبليه .. بدمعتي ألمدميه
بيه عاش النوح .. وعله خدي يلوح
وبهلي فجعوني .. عگبك وسموني
***************
يا من نويت أعله السفر وين تريد والمن عفتني
ويّا ك أخذني لو رحت أترجاك يا لعذبتني
يا دنيه بويه ألبيها أظل بلياك ريتك شفتني
ريتك أتشاهدني .. بدنيتي التضهد ني
بيه زاد الهم .. وجرحي ما يلتم
گومي من عافوني .. عگبك وسموني
************
حيدر يبو ألحمله الشهد انس وجان بالحرب لو كر
ليث الليوث ألما خضع للعدوان واسمه الغضنفر
من ضربة أشقى ألا شقيا عالي الشأن بالدم تعفر
حيدر البا لحومه .. واضحات علومه
أشجع الشجعان .. وفارس الفرسان
ما يخّيب ظنوني .. عگبك وسموني
************
عگبك صرت طير وكسر جنحه البين ونهدم عشه
وين اتجه يا گاع أحط بيها الحين وگصد الممشه
جنحا ني ما عانت بعد والرجلين والأرض هشه
بالحزني مرتابه .. وتايها بالغابه
واحذر الصياد .. والوجل بي زاد
وبسهم صابوني .. عگبك وسموني
***************
تعليق