تويت
هالليله جرح المرتضى خضّب بالعيون
ها لليله جرح المرتضى خضب بالعيون
وبدمعة الدم التصب مصبوغه الجفون
***************
في عالم الطب كل عضو أتحركه الأعصاب
والكل فعل ردة فعل معروفه الأسباب
لاكن الشيء البل نفس عن العلم غاب
اسمه الشعور وبيه عجز كل اليبحثون
**************
هام الشعور بحُب علي ويئلمه جرحه
وعالي بوسط گلب المُحب حيدرنه صرحه
بيه احنه نغفه بذكرته وبيه احنه نصحه
شاغفنه حبك يا علي رغم اليضدون
****************
تتعدد أوضاع الجسم من باب الإحساس
وما تختلف كل البشر في أدنا مقياس
وبحاله سموها الحزن أتضيق الأنفاس
والوا دم بهذا الوضع كلهم يعيشون
******************
ضاق النفس حيدر علي ساعة طبرتك
وسالت مدامعنه بدمه وذبنه بحصرتك
خدامك وكلنه فده صرنه ألحضرتك
يا غالي وغله من النفس عدنه انته متهون
******************
كل حاله يشعرها الشخص لو أمر لا گاه
عقله برجاحة لو جهل فسر له معناه
لاچن حزن جرحك علي كل فكر يملاه
ويترجمه بسيل الدمع وال ذكره محزون
*****************
ويانه عاش من الأزل ذكرك يحيدر
وجرحك صبح جرح ألمله وكل ذكره يكبر
وبكل سنه بدم ها لجرح كلنه أنتعفر
ناهيك عن سيل الدمع من الينحبون
****************
شي لا أرادي لو بچه من حزنه الإنسان
والي حزن صار الدمع لإحزانه عنوان
ما يخفه في وجه الخلگ الحزن لو حان
وحزنك يحيدر سرمدي عند اليوالون
****************
سرمد يعيش من الأزل حزنك يكرار
وملا وع بذكرك علي خلصت هالا عمار
ساعه انتچوه بالدمع ساعه الگلب نار
حزنك ابد ما وصّفه كل اليوصفون
*************
لاحت بيا درها الفواجع والحزن لاح
وصوت الضمير بكل نفس يا له الحزن صاح
ها لليله يا شيعه الولي بسيف الغدر طاح
وها لليله من دم هامته متخضب الكون
*****************
الحمد لله رب العالمين
تعليق