تويت
بمصابك يا حامي الجار
اظلم كون ألدنيه وعتم ** حين الراسك صبغاه الدم
والظلمه أتعيش أبكل دار ** بمصابك يا حامي الجار
بمصابك يا حامي الجار
$$$$$$$$
حيدر حين الضربو راسك ** بالدم خضب مدمع ناسك
وبحين انگطعت أنفاسك ** صار المدمع دم طشار
$$$$$
دمع العين أيسيل وينعه ** والإحزان أتزيد ألوجعه
أرده الأوضاع أصبح وضعه ** كلمن حبك ياكرار
$$$$$
عين الحبك تجري ألعبره ** ونار ألدمعه بخدنه اموجره
يبچي الكون أعليك ابئسره ** ياوالينه ازغار أكبار
$$$$$
زغار إكبار الفگدك تنحب ** حيدر ولدمعه بدم تسچب
عشنه بنيران ونتعذب ** من بعدك يابو الأطهار
$$$$$
بعدك عشنه بونه وحصره ** وبلوعه ونيران امسعره
هذا ألبعدك حيدر يجره ** بالهم گضّينه الأعمار
$$$$$
كل عمر إخلافك ما يسوه ** والمن حيدر عگبك نهوه
انته الحب الأصلي وهووه ** وانته النبض ألبينه صار
$$$$$
فخر ونبض وروح ألشيعه ** يالحبك للدنية أنذيعه
نهواكم أعلنه ألبيعه ** وما نهتم رغم الأخطار
تعليق