تويت
بنعش الولي اترجاك انه العقيله
بنعش الولي اترجاك * انه العقيله
متريض بممشاك * ارد اشتكيله
زينب تودعه اتريد * لا تمشي عني بعيد * انه العقيله
*******
حنت لبوها الوالها * تودعه تريد * وتشكيله همها
اتگله بويه الفرگتك * همي يزيد * وتشرح هضمها
تتعثر وبيها الارض * گام اتميد * وتنگل جدمها
تعثر تگع وتگوم * وبونه تنعه
يامن مشيت اليوم * هالصوت اسمعه
نادت يبويه الحيد* لاتمشي عني بعيد* انه العقيله
*********
حضرت تريد اتوادعه وتحچي وياه والدمعه من دم
وصورة حزنها اعلى الوجه ترسم اه وبلوعه ترسم
والمدمع ايجرح الجفن من مجراه وبيه يغرس الهم
عدها عتاب وياه * وحضرت تعاتب
ياهو تگله انخاه * وعني انته غايب
والعبره بيها تزيد * لاتمشي عني بعيد * انه العقيله
ياجرح حيدر شعملت بيه اليوم گلبي فطرته
من عندي روحي انته خذت وعفت اهموم تچويني سكته
لو تدري گلبي بعملتك ضل ملچوم ودمعي الهملته
بيه اشعلت نيران* ياجرح تسري
حين الموادع حان* وتحير امري
يتمني گبل العيد * لاتمشي عني بعيد* انه العقيله
**********
تصعب علينه فرگتك ياكرار والفرگه صعبه
وظلمه وحزينه الوحشتك هاي الدار شال التحبه
بحضنك ربينه ياعلي وحنه ازغار وشخصك نندبه
يابالحسن ننخاك* بالشده چنه
تانينه نمشي وياك* يالوالي كلنه
بعد العمر شيفيد * لا تمشي عني بعيد* انه العقيله
**********
يالخذت مني والدي رايح وين الحالي تعطف
ارد انه انشده باليدور اعله حسين في ساعة الطف
ولو بيه ضاگت دنيتي ومالي معين ودموعي تنزف
وين اربي بعيناي* يابويه حيدر
لوفارگت ولياي * وبوسط عسكر
ماظنها روحي تهيد * لاتمشي عني بعيد * انه العقيله
خام امير المؤمنين الشاعر ابو ايمان المجراوي