تويت
الليله كل هامه فده الهامت علي
الليله كل هامه فده الهامت علي
*****************
ألليله سيف النايبه لمن ضرب* هامتك يابالحسن والدم سچب
بينه شبت نار وتعالى اللهب* واحترگنه بناره يا نعم الولي
*******
ساعة ألجرحك علي خضب دمه* مادت الگاع وبچت حتى ألسمه
بينه حزن النايبه حيدر نمه* والدموع العين مدمعها ايهلي
*******
حزنه جرحك يا علي ما نحمله* وكل گلب من الحزن هم أنمله
منه دمعه يا علي أتضل ها طله* وللأبد تنعاك كل گومي وهلي
********
جرحك ألماله وصف يا حيدره* بينه تسعر ناره يا خير الوره
والدموع أتسيل لجله اموجره* هالجرح همه ابد ما ينجلي
********
جرحك أصبح كل گلب موطن اله* وكل ذكر يلچمنه يا عقد الوله
تبقه ألك دمعه يحيدر نازله * والمقل بالعبره مدمع تنملي
*********
والد ألامه ووليها يا شهم * بجرحك الهسه يحيدر نلچم
يا نصير المبدى وراعي القيم* بعدك الها لدنيه حيدر ما يلي
***********
