تويت
بينه تضل نيران
بينه اتضل نيران اموجره *** حيدر
ونضل نهمل دمع العبره *** حيدر
نقسم نهواك لاماننساك لاماننساك نقسم نهواك
***********
الك نار الحزن تبقى*** يحيدر تسري ويه الدم
والك عبره يبو الحسنين*** على كل مقله تتقسم
الك يالوالي تبقى الروح ***بحزن غرگانه تتألم
والك يبقى الشعور ايفيض*** بمشاعر غامره بالهم
والكل بذكرك هالليله *** حيدر
محزون وفاگد كل حيله *** حيدر
لن عشنه وياك لاماننساك لاماننساك نقسم نهواك
******
سيوف الفاجعه الليله*** على كل مهجه تتوزع
وعين الي هواك اليوم*** بالدم ياعلي تدمع
امير الطائفه وعينك*** كلمن بسمك اتشيع
الجرحك ما اضن يغفه*** وعينه لحضه ما تهجع
مدمع عين الحبك هالي *** حيدر
كل دمعه اتناشد يالوالي *** حيدر
المدمع ينعاك لاماننساك لاماننساك نقسم نهواك
******
غدر حزن اليهود انشأ *** مأتم للحزن بينه
ومصابك ياخضيب الشيب*** جمر نيرانه تچوينه
علي يالما الك ثاني *** نحبك والله تدرينه
لان من شخصك الطاهر*** رضعنه احنه وتغذينه
حبك غذانه وبيه نكبر*** حيدر
ياروح الروح انته واكثر*** حيدر
وبالهم ننخاك لاماننساك لاماننساك نقسم نهواك
على كل شفه ياحيدر*** علي يالوالي تتكر
نعم يابالحسن واسمك*** بينه بكل وكت يذكر
بچينه بدم على مصابك ***وحزن جرحك لهب يسعر
وهاي الليله دم جرحك*** بيه كل هلمه تتعفر
جرحك لا ما هان اعلينه *** حيدر
بكل هامه امخضب ياذينه ***حيدر
من يومك ذاك لاماننساك لاماننساك نقسم نهواك
*******
عهدياحيدر وبالدم *** نريد انطرز احروفه
عهدنه وياكم ونقسم*** نهجكم لحضه منعوفه
وحق الهامه والمحراب*** وحقه المسجد الكوفه
نضل لاخر نفس وياك*** والك كل روح ملهوفه
بالدم ياحيدر عاهدنه *** حيدر
والتاريخ ايضل شاهدنه *** حيدر
يالعاهدناك لاماننساك لاماننساك نقسم نهواك
*******