تويت
خروج امير المؤمنين من الدار
حين الطلع حيدر علي بره الدار
صد للسمه اتذكر حديث المختار
اشدد حيازيمك هتف حامي الجار
هالليله بن عمي گال هامك تصب ادماها
*******
علم اليقين اصبح اله الليله امصاب
وتوضحت في باله عدة اسباب
ومن چلبت ردنه القميصه بالباب
اعلم حچاها بلا ريب هالليله چنت اتناها
********
شال الجدم حيدر علي وتعنه
لاچن اوز دربه عليه گطعنه
شالن جناح بنيه ايمنعنه
لاچن علي لمر الله روحه بصدق بذلاها
*******
اكمل مسيره ومتجه للكوفه
وبحاله يالتسمع فلا موصوفه
يمشي ودمعته اعله الجفن مذروفه
يهملها شوقا لله وهاللحضه يتمناها
**********
للمسجد بحين الدخل شاهد بيه
بن ملجم بسيف الغدر ومتانيه
بعيونه صدله وعاين الوالي عليه
امخبي بحضانه السيف ونومة غدر سواها
*******
اذن علي ياشيعه الله اكبر
اكبر كبير اول وماله اخر
رب العلى وحده الاله القادر
سبحانه خلاق اكوان لا خله في دنيها
*******
ساعة سجوده الوالي والكافر لاح
بسيف اليهود البالدمه ضل سفاح
طر هامت الحيد وترك بيها اجراح
وتحنه بدموم الهام حين الفجر صلاها
*******
عالي هتف حيدر ورب الكعبه
بيها فزت هسه ودعائي اتلبا
جدا صدق الهادي حين اتنبا
والدم على اجبينه يسيل واللحيه دم حناها
*********