تويت
سيدي ومولاي الصادق ع
هالليله بدموع العين .. بالصادق نواسي حسين
والهادي ويه ألزهره .. ونواسي كل ألعتره . بالصادق نواسي حسين
*********
عله موج الحزن بينه . وعلت با لمهجه نيرانه
بألم وبهم تغطينه . وجينه نواسي مولانه
اشد وأصعب رزايانه . الدهر با لعين راوانه
فجعنه بصادق ألعتره . وعلى فرگاه بچانه
جرحه الزمن بينه طال * حولنه من حال الحال
صاحبنه دمع ألعبره . ونواسي كل ألعتره .
**********
علم شلناها خدمتهم . نبينه المصطفى واله
اليفرّحهم يفرّحنه . ونعيش بها لفرح حاله
واليحزنهم ايگطّع . گلب كل شيعي ووصاله
على هذا المثل صحنه . هنيئاَ للذي واله
خدمة محمد نبراس * شلناها أعله من الرأس
وخدمنه رغم اليجره .. ونواسي كل ألعتره .
**********
المصابيح الهدى ألليله. انجمعنه أنعازي بجعفر
بكدر وبلوعه وبحرگه . نعزي المصطفى وحيدر
نعزي المجتبى بيومه . ونعزي فاطمه الكوثر
نعزي حسين أبو أليمه. بعظيم أجرك يبو الأكبر
ونعزي بيه السجاد * والباقر بيومه ألعاد
ونعزي كل ألشجره . ونواسي كل ألعتره .
********
اجينه ويا لحزن نبره . وماسي مصابه غطتنه
اجنيه وعا لوجه من دم . تخط وبحرگه دمعتنه
اجينه وبظهر محني . وسهم صوّبها مهجتنه
وعلى مساوه الأرض نعثر . عمت يا لوالي مقلتنه
غاشي الگلب حزنه اليوم * وعمه البصر دمع دموم
ولدمعه صارت جمره . ونواسي كل ألعتره .
***********
لبو أليمه تعنينه . بشديد الفاجعه والهم
نريد بحضرته نهمل . دمع بيه الگلب خذم
جروح ألدنيه جبناها . واثر فوگ الوجه ترسم
المصاب الصادق ويحسين . نريد بكل حزن نلطم
لحسين أبو الأكبر سار * بينه الجدم عل الأخطار
لا ما گطعنه المسره . ونواسي كل ألعتره .