تويت
للعليله عليها السلام // ابو ايمان
يا نازلين بكر بله خبروني بالحال
منكم ولا طارش لفه ولا جاني مرسال
***************
كلفه أعله گلبي صبّحت ساعات الأيام
واليوم من عگب الأهل ينعد بألف عام
يتناوب أبروحي الحزن وتهيج الآلام
وأتأمل أحبابي ترد ويرد الوصال
************
روحي احرگتها بالصبر والصبر معروف
وبدمعي أترجم حالتي واشرح هالظروف
أتلوّع الشوفت هلي والگلب ملهوف
وسحگ على جمر الفگد والفگد چتال
**************
ما نام جفني ولا غمض عگب الاحبهم
ولأمرني طيف بوحدتي وأنضر صورهم
مشبوحه عيني للمشو تربي ألدربهم
وأجرع مرارة وحدتي ومسا هره ألليال
************
اشهگ لون جن الظلام وچلچل الليل
وبصدري أحس ضاگ النفس وتضعضع الحيل
ما بيه واحمل يا هلي وأترك أليا ويل .
من الغسق حتى الفجر والدمع همال
***********
يوميه وي طرت الفجر تأخذني الظنون
وتعنه درب القا فله وارجه تردون
يتسلگط الخدي الدمع من جوف العيون
ونگطعت أبتوت الگلب والحمل بي مال
*************
حسبه أعله حسبه يا هلي وكتي گضيته
وبحالة ألما تنوصف عمري فنيته
المن عگبكم التفت ونوي أعله بيته
وإعلالي أبروحي أبت يا گومي تنزال
*************
تعليق