تويت
بويه يا مسلم // ابو ايمان
بويه يا مسلم صحت ...... بالغرب عدمن صرت
*************
بويه يا راعي ألحميه وألوفه . يا شفه أجروحي و نِعم بويه ألشفه
يا ارض بيها جفن عينك غفه . منهو شالك يا لوفي حين الطحت
************
بويه يا مسلم ينشمي ويا أغر . يا بدر گمرة حياتي والسحر
بيّه ضاگت دنيتي بهذا الخبر . ها لمصيبة منها أعظم ما شفت
*************
من دخلنه الكوفة يا بويه جرت . دمعتي ولو تدري بيمن من سرت
بالجمر وبخدي بويه وجرت . وانه حالي چن شمع بويه وذبت
**************
التفت وانشد وعاين بلچي أشوف . شخصك واركض على جسمك أطوف
انحني الجد مك أحبها والچفوف . حيل أشمهن يا لعزيز بكل وكت
***************
حيل أشم چفك وحطها أعله الجبين . واروي روحي من حنينك يا لحنين
أبقى يمك وانسه أهات السنين . وانسه مُر الفاجعة ألمنه ضگت
**************
انسه أيام الفواجع والألم . من ترد يا بويه وارفع ألك علم
والله يمليني على افراكك ندم . جم امل بويه الرجوعك علّكت
**************
چنت اضن يا والدي يمك أضل . وگضي عمري آوياك لأيام الأجل
يا أسف مني انگع بويه الأمل . سوده صارت دنيتي بحين الرحت
*******************
تعليق