تويت
عن خدمة الحسين ع // ابو ايمان
يا لخدمتك للخلك أعظم هويه ... نبقى خدامك إلى يوم ألمنيه
يحسين آوياك ... نتحدى أعداك
نبقى خدامك إلى يوم ألمنيه
*********
أي يريحانة محمد . يا زهو ألدنيه وسحرها
يا ثمر جني النبوه . وزهرة الكون وعطرها
يا عقيدتنه وشرفنه . ويا شعا يرنه وأمرها
ها ليوم جددنه العهد . وياك نقسم للأبد . أي وحگ واحد احد
شيعتك هذا نذرها
نذرت الشيعه العمر يبن الزچيه . ما يهمنا ألناصبي ابن الناصبيه
سيف بيمناك . نتحدى أعداك
********
من عهد عاشور وانته . تاج رأس الكل موالي
يا شرف شرفنه كلنه . بغير شخصك لا نبالي
يوم طلكت بينه أمنا . صحنه غيرك ما نوالي
تطمأن بيك النفس . يا نزيه من الرجس . ألنه وضّحت الدرس
وسرت بينه للمعالي
ناجي ليتبعك يبن حامي ألحمّيه . خلّصتنه من الضياع بها لدنيه
نقسم نهواك . . نتحدى أعداك
*********
نحيي يحسين الشعا ير . لو تمر ذكراك بينه
ننصب بلهفه المواكب . كلنه للخدمه انتمينه
كل عزه ومأتم ننصبه . بسم أبو أليمه ولينه
أي يمنقذ هالبشر . خدمتك اكبر فخر . بيك كل شيعي بتشر
ساعة الغمضّت عينه
يا عقيده ومنسك وأسمى قضيه . خل يسمونه خصومك رافضيه
نتلاگه أهناك . . نتحدى أعداك
*********
للأجل يحسين تبقى . بينه يا محيي الضما ير
يا نديم الروح وانته . عارف بكل السرا ير
صح طمع بعض الاوادم . تحيي يحسين الشعا ير
انته تعرف كلشي مخفي . والخدم شنو عنده يخفي . من صحت يرضيني حتفي
قربه يا أهل البصا ير
من صحت يوم الحرب يا آل أميه . ومن طحت دامي النحر فوك ألوطيه
من يومك ذاك . . نتحدى أعداك
*********
هزوه يحسين المجالس . للبعض يا أسف صارت
وللملذات الخبيثه . وللدجل والحسد دارت
أنفوس يحسين الضعيفه . تستتر بيك وتدارت
مو مهم صار الشرف . أي وحگ نور النجف . فلوس يحسين الهدف
ذمم ما عرفت تبارت
والله لو چانو حضور الغاضريه . چان طعنوك بألف طعنه خفيه
وسلبوك أرداك . نتحدى أعداك
********
هالوكت غربلنه كلنه . وبيّن ألي عنده غايه
وبعهد هدام شاهد . چانت أتحوم المنايه
ناس ضحت بالبدايه . وناس طلعت بالنهايه
أحداث وأوضاع انطوت . صفحات للغيره حوت . وأشخاص للذل التوت
قررت تلبس عبايه
يا بو الأكبر وانته تدري بهالبريه . بيها چم عين الجرت دمعه شجيه
لو مر طرواك . . نتحدى أعداك
************
تعليق