تويت
لن نبراء منك يا حسين // ابو ايمان
يحسين الموت يمر بينه . وحبك بالروح امخلينه
لأخر قطره . ما نتبره . وحبك بالروح امخلينه
**************
1- لو نسكت والصمت أنلزمه احنه أبحبك معروفين
ماكو داعي انفوه أبكلمه حسين احنه واحنه حسين
بطرف ألسان الواحد اسمه ودوم أترد بيه الشفتين
عزة نفسه وطبعه ورسمه متجمعين أبوسط العين
والعين الحبك مسروره . رسمت لك بيها اجمل صوره
ورغم اليجره . مانتبره
وحبك بالروح مخلينه
***********
2- أصبح دم بينه ويتنقل حبك وأتمركز بالروح
حبك يحسين وشنسولف عن وصفه ياوارث نوح
شماگلنه عنه ما نوصل يم وصفه وأبدا" منلوح
هذا احساس وبالدم يسري انموت ومنه ميروح
كل شيعي بحبك ضل يفخر . عالعالم يالحبك معبر
كلشي انعبره . ماتنبره
وحبك بالروح مخلينه
***********
3- مو من اجل الجنه انحبك ولا خوفن من عند النار
بس شفناك الحق هوه انته واعداك الباطل واشرار
كل عاقل يسمع عن قصتك غيض امنعداك ايشب نار
وهذا الحب البينه اوراثه اتورثناها واحنه ازغار
من ادم والدنه ورثنه . حبك يالجرحك عذبنه
وناره امسعره . ما نتبره
وحبك بالروح مخلينه
***************
4- شهدت كتب الباري أبشخصك واسمك ظل بيها مذكور
بالإنجيل وكل توراته وبالقران وبالزبور
يالاسمك في عرش الباري منقوش حسين ومحفور
ومطرز بگلوب ألشيعه ويشعشع يحسين أبنور
نور اسمك للعالم اجمع . نوور يالبالاخر تشفع
يا بو العتره . ما تنبره
وحبك بالروح مخلينه
************
5- ياقصه ألما مثلك قصه ويا واحد واعداك الكون
يامن صرت ألهذا العالم رمز وعزه ونخوة وعون
ميبغضك اله ابن الباطل وابن الشيطان الملعون
واحنه أبحبك يابو أليمه صحنه أفداك الروح أتهون
بفداك الروح وما نندم . ولو نتگطع لا ما نهتم
صحنه بعبره . ما نتبره
وحبك بالروح مخلينه
************
6- منهو اليگدر يذكر اسمك وعيونه متصب أدموع
بأول حرف انجر ألونه ويذوّب من عدنه أضلوع
والثاني بيه هاي المقلة أتفيض وبالدم اتموع
والحرفين الضلن غصة بيها الروح أتون وتلوع
من الذر ارواح الشيعه . حبك تم بيها توزيعه
واحنه اباثره . ما نتبره
وحبك بالروح مخلينه
*************
7- يا هو البيه ما صاحت امه يوم الطلگت ياكرار
يا حيدر هاليوم احضرني وبعدني عن الاخطار
خلصني من هاي الشده بعدك بس الله الستار
هذا الطفل البيه امسمه مثل اسمك وانته المختار
بچفوف الرحمه من انزلنه . حيدر هوه الي شايلنه
وبسمك نقره . ما نتبره
وحبك بالروح مخلينه
***********