تويت
الزهراء عليها السلام تنظر للخدام // ابو ايمان
يا من بدمعك تجي تواسيني .. گوم شاركني بمصاب حسيني
*******************
يا من أعله ابني تهلها دمعتك . بالأسى أتشاركني چانت غايتك
ألف رحمه على بطن النگلتك . وانه ألك والله لوفي بديني
*********
يا من أعله حسين يمليك الحزن . تهمل الدمعات وتغرگ الجفن
انه ادري وياي لو ونن تون . ودمعة أمواساة ألي تهديني
*********
يا من بگلبك حملته ظنوتي . ودمعتك هلّت توازي دمعتي
هاي منك يا لموالي طلبتي . بمجلس حسين بنعي ترويني
*********
انه أمه وانته تدري بحالتي . ولّو ما تسمع نحيبي وونتي
أرد أخبرنك ابگربك وگفتي . وارد اگلك مثلك أتهل عيني
*********
انته تلطم وانه اصد بناظري . وألك أتألم يشيعي بضا مري
ابچ لجل حسين وجبر خاطري . وسكّن بدمعك دموع اونيني
*********
يا موالي ألك جبت انه الصحف . بيها أسجل دمعك ألي ينذرف
واعتنائي بيك ميحده الوصف . ألك ابره والحزن يحويني
*********
تنگل من البيت جدمك للعزاء . وانه ابرالك وحگ رب السماء
لو حُسين أتصيح وتعلي النداء . والله احبك والدمع يمليني
**********
تعليق