تويت
الى اانصار عليهم السلام // ابو ايمان
أنصار حسين ويدرونه لمن نختار
غيرك لا ما نعشگ واحد يا لحبك صار
العگل أيجنه .......... وانته ألجنه
*************
نصرتك يحسين ماكو منها أجمل
والينصرك فاز مغفرة حصّل
كلنه نرضه أنموت دونك ونأمل
يا ولي الله وللشهد منهل
حبّك بيت ألي يجمعنه يا بو الأحرار
بيه عشنه وبيه أترعرعنه أصغار أكبار
ننهل منه . وانته ألجنه
************
با لحروب اليوم نفدي الأرواح
للسيوف بشوگ بينه تهوى أجراح
بحب أبو أليمه نهزم احنه أرماح
عا لمنيه أندوس كلنه دون أسلاح
نتحده الموت وأخطاره نتحده الموت
وعله أظهور الباطل كلنه نسحگ ونفوت
لا ما هبنه . وانته ألجنه
**********
هالعشگ يحسين بينه من أزمان
عايش او يا نه ساكن الشريان
بعالم الارواح يالولي من چان
يُعرض أعلينه نشكر المنان
بالذر يحسين وعاهدنه وختمنه أعهود
وياك أنضل لأخر لحظه وبالدم أنجود
من عاهدنه . انته ألجنه
***********
عترة المختار والوصي حيدر
با لضمير أنشيل حبهم ونفخر
عفنه كل المال عفنه كل مظهر
في رحاب حسين جينة نتوذر
أنصارك يحسين اقبلنه بهذا الميدان
وأشلاء أنصير بهل بقعه يا عالي الشأن
بس أمرنه . وانته ألجنه
**********
كربله وطفها بيها مدفنه
نعلم ووافق كل شخص منه
في رضاء الله الموت نتمنه
ونصرة الهادي واله ديدنه
كلشي أيهون النصر ألعتره ترخص الأعمار
خل نتگطع فوگ الغبرة . ما دمنا أنصار
كلنه أعلنه . وانته ألجنه
**************
تعليق