تويت
ام البنين ع // ابو ايمان
ريّض يا حادي أتصيح طلعت أم عباس
خليني أودع حسين تشهگ بالأنفاس
ظلّيت أعاني . من وادعاني
**********
صوت ألحنينه أيصيح ريّض إليه
يوم ألظعنهم سار للغا ضريه
ريّض يا حادي النوگ واصبر عليه
روحي تودعه أتريد انه اشبديه
گلبي چواني . من وادعاني
***********
طلعت تنادي أعليه مرعوبه چنها
وبدمعة الأحزان ذايب جفنها
صبرا عليه اتگول واشتدد حزنها
خلوني أشوف حسين وبعالي ونها
دهري سباني . من وادعاني
*********
أم البنين ادموم يهمل دمعها
لوداع أبو السجاد محني ضلعها
أتصبحه وتمسيه عاشت طبعا
لا چن وداعه اليوم غيّر وضعها
سهم الرماني . من وادعاني
*********
تنگل جدم وتطيح أم الضياغم
متوجها صوب حسين والگلب هايم
يبني بمرارة أتصيح عالسفر عازم
يا خيرة أهل ألگأع من حوا وادم
حزني ولاني . من وادعاني
*********
يبني رحيلك هاذ روحي خذاها
وبگلبي حط أجروح يصعب دواها
عن عيني من أتغيب تفگد ضواها
والدنية سوده أتصير واظلم سماها
دمعي العماني . من وادعاني
تعليق