تويت
ام البنين وابنائها . ع //ابو ايمان
أتوعدوني . أتوعدوني . يولادي أتوعدوني
يوم الحرب لو صار . يا لأربعه الأقمار
يولادي أتوعدوني
*************
أم البنين اليوم مجتمعه بالصفوه
ويه ضناها أتريد تعقدها هالندوه
يولادي نادتهم يا روحي والسلوه
انخاكم وياريت توفولي ها لنخوه
وافوني . وافوني . ضنوتي وافوني
بالغا ضريه حسين . لو ناده أريد أمعين
يولادي أتوعدوني
************
يبني الگمر عباس عبد الله يا جعفر
كلكم يماي العين لو حاطت العسكر
بألطف أريد أهناك توفولي وارد افخر
وبدمكم التربان با لحومه يتعفر
ذكروني . ذكروني . بالحرب ذكروني
أمكم وانه الوصيت . توفون ألي يا ريت
يولادي أتوعدوني
*************
يا غاية الكرار يا صاحب ألغيره
يا سيفه بالميدان وبلحومه تصويره
اسمع خطابي آوياك وافهم تعابيره
لحسين أريد أتصير درب الذي يسيره
وأضنوني . وأضنوني . ما تخطا وأضنوني
ادري بگمر عدنان . ما توصله الشجعان
يولادي أتوعدوني
**************
يا نبضة الدلال وعروگي وحشاها
يولادي أحشمكم النصرة بني طه
حتى انه بين الناس بطروا كم اتباها
وافخر إذا ايگولون فگدتهم ابناها
سموني . سموني . بهل الاسم سموني
عرفتني كل الناس . بيكم وأشيل الرأس
يولادي أتوعدوني
***********
ادري يبعد اچلاي يوم الحرب لوحل
واحد كم أبلا ريب وبروحه ما يبخل
بسم الله أودعكم وأفادي يمه انشل
بعيوني ما ضل ماي مني الدمع وشّل
تعذروني . تعذروني . اطلب تعذروني
گلبي بظعنكم سار . وأعله الجمر حدار
يولادي أتوعدوني
*********
تعليق