تويت
الى مسلم ابن عقيل ع// ابو ايمان
ها لليله يا مسلم على روحي المصايب
كثرت يبن عمي وعله صوت النحايب
****************
هالليله يا مسلم طغه بروحي حزنها
وتسابگت دمعة الم عيني بجفنها
ها لليله روحي ما سكن يا خويه ونها
وبلوعة آهاتي أغص يبن الأطايب
**************
يبن الأطايب ما هدت ها لليله روحي
جرحك صبح بيه اشد وأصعب جروحي
عالي ارتفع يا بو حميده ألليله نوحي
وبصوتي الناعي صحت ليش انته غايب
***********
من ساعة أغيابك وانه ألجيتك أتاني
يا لغيبتك طالت عليه ومنها أعاني
كل لحظه من بعدك تشب نار بكياني
ما احمل أغيابك لان شفت العجايب
************
مسلم يمسلم والگلب بسمك ينادي
وبجسمي نارك تشتعل حرگت فؤادي
وينك يبن عمي صرت وبيا بوادي
يالغالي ما احمل تره أفراگ الحبايب
************
همي ألغيابك منجمع ها لليله بيه
وبحصره ألاه والألم اصفگ بديه
ناديتك بمنيه ترد يا خويه أليه
شاهدني صرت بيا وضع بين النوايب
************
أسئل يمسلم من طحت والتمّت أعداك
بالكوفة منهو ألساندك وتحالف آوياك
عندك معين بهالارض لو وحدك أهناك
حين الذي انجمعت يمسلم هالعصايب
***********
تعليق