تويت
مسلم والحسين عليهما السلام //ابو ايمان
من صاح السلام أعليك . مسلم وغمضت عينه
يا بن عمي صاح حسين . دونك عمري وسنينه
مسلم آه ........ مسلم آه
***************
بالهم والحزن صد عين . للكوفة أبو أليمه
وبشهگت حزن يا ناس . صار ينادي بن عمه
يا مسلم يصيح أعليه . وبروحه كبر همه
عين الله يخويه أعليك . گلبك الله اليعينه
مسلم آه ........ مسلم آه
**********
ناداه الأمام حسين . والروح الألم سلها
يا مسلم ينور العين . ولدمعه بدمه يهلها
لو تسأل حميده أعليك . يا خويه أشگللها
جاوبني يبو طاهر . تراه ها لحال يا ذينه
مسلم آه ........ مسلم آه
**********
سهم الفاجعه بحشاي . مسلم گطّع أوتاري
وبروحي تشب النار . وبدمعي الجمر ساري
يا خويه الرسايل هاي . جبتها وعفت انه أدياري
جيتك وأعله عهدي آوياك . انه وضعني تعنينه
مسلم آه ........ مسلم آه
**********
صاح حسين أبو الأحرار حميده وين جيبوهه
من گربت يشيعه أعليه . دموع الحزن هلوها
گآلت مسلم بيا حال . أضنها أبنيته يتموها
أشوفك تمسح أعله الرأس . مسلم والدي وينه
مسلم آه ........ مسلم آه
**********
صد أعليها لاچن صد . چن عينه أبوجه مسلم
شبگها والجرح بالروح . بيه صار الحزن يلچم
بچه وياها وبچت وياه . وبروحه غده يقسم
دمك يالوفي من فاض . يا مسلم روى دينه
مسلم آه ........ مسلم آه
