تويت
الامام الحسين بفقد العباس ع //ابو ايمان
ظهري حنيته . ودمعي جريته . حين الطحت يا راعي العلم
**********
يعباس بظهر محني . اجيت الراية أتابعها
وصلت ألمشرعه وعيني . بألم تمطر مدامعها
اون ومنشده بالي . ومرارة حزنك أجرعها
وأحوم بكترك ورايد . يخويه چفوفك اجمعها
صاحب لوائي . وعضدي ووقائي . دهري غيابك عني حكم
**********
بزنازين السجن يوسف . حنينه الاهله بيه يكبر
على افراگه عمت عينه . يعقوب واله ينطر
وانه اگبالي يبو فاضل . اشوفن جسمك أموذر
لا غايب وگول تعود . ولا بيدي أعله المگدر
بعيوني أشوفك . فاگد چفوفك . وگبالي مرمي بعينك سهم
**********
نبينه وجدنه إبراهيم . بالنار أنقذف جسمه
ومشيئة صاحب ألعزه . غدة من كل أذى أتسلمه
وانه بنار الحزن روحي . صفت ياخويه متوسمه
وبعيني لهيب النار . عماني وحگي من أعمه
تيّهته دربي . والباري حسبي . وصوب الشر يعه گلبي عزم
********
وحگ موسى كليم الله . وعصاه وعيسى ابن مريم
فراعين العصر جارت . وعلّي حكم الذبح حتّم
وانه بهمي على افراگك . يبو ألغيره جرعت السم
وبحين الاصد جودك . تصب عيني بدموع الدم
روحي حزينة . يبن الامينه . وهمومي صارت تمطر الم
**********
تحاصرني الكفر خويه . وانه بميداني والوحدي
ويحاصرني الم فگدك . جرحك بالغ أبوجدي
من حين الغفت عينك . صبر ما ضل بعد عندي
اريدن اخلص من الهم . يخويه واسكن بلحدي
همي بغيابك . ترجم عذابك . وبضلعي أحسّن خويه أنهشم
**********
تعليق