تويت
غيرة العباس ع // ابو ايمان المجراوي
غيرة عباس ونوما سه . من حيدر دگ ألهن ساسه
هذا الوفاي ...... گاصد للماي
***********
صاحب ألغيره وبألوفه معروف
بالكرم والجود مثله ما موصوف
للنهر من راح بالخصم حط خوف
ملّه جوده وعاد والعيون أتشوف
ما تگحم سيفه ألخياله . والموت بصفه ويبرا له
إخباره هاي . گاصد للماي
**********
من يصول أعداه ترتعب منه
فارس ومغوار والحرب فنه
لو حمل بالگوم حيدره چنه
ما رجع كلمن يمه يتد نه
ما هاب الجيش وجمعاته . شهدت يوم ألطف صولاته
بيهم گصّاي . گاصد للماي
**********
كربلاء وعاشور شادت بجوده
ما ضعف هيهات بالحرب زوده
ما خضع لعداه ولا نطّه أحدوده
والخصم عالماي حشم أجنوده
گال انه السقاء وجودي . من الماي أمليه بزودي
ما غير الرأي . گاصد للماي
**********
ضهضب ألچأفل وعتنه العسكر
بيده سيفه أيلوح وبغضب من كر
گال انه العباس يا جموع الشر
وانه لجل حسين لفدي المنحر
چفين وعين ألي انطيهن . للدين وما ابخل بيهن
بغضا بعداي . گاصد للماي
***********
كمّنت الأشرار للچفيل بحين
عوود امن الماي گطعوا الچفين
يا ألاهي صاح قربتي للدين
والتفت عباس ناده خويه حسين
منك اطلب خويه الغالي . تعتذر لي من أطفالي
ممر وده اچلأي . گاصد للماي
************