تويت
حميده ومسلم ع//ابو ايمان
يا بويه يا بويه . يا مسلم يا بويه . يا شمعة العين
يا بويه اخذني اوياك . ما احمل بلياك . يا شمعة العين
***********
يا بويه من شخصك رحل . عني وغاب . وانه انطرك . واحسب اليوم بعام
انطر تعود وعشت أمل . وألف أحساب . احسب الأمر ك . وبدليلي الآلام
ما حسبت هذا الحصل . بيه أنصاب . وبسهم هجرك . ها لجرح ما يلتام
متأمله متأمله . چنت انه متأمله . يا مسلم بحين
تلگاني وانه الگاك . ما احمل بلياك . يا شمعة العين
***********
هايج حنيني البالگلب . وأمطر شوگ . وترجه أشوفك . يا عشگ دلالي
أي والنبي ودمعي اليصب . يا لمعشوگ . سبعه لطوفك . يا نبع آ ما لي
يا أحلى من ماي العذب . بيك أتلوگ . شمرت چفوفك . لو سرت يا لغالي
أحلامي أحلامي . يا حاضر أحلامي . يبن الميامين
هيهات اصد وأنساك . ما احمل بلياك . يا شمعة العين
***********
يا بويه من جرح الدهر . ناري اتگيد . وبروحي تشعل . وأحترگت بناري
من حزني وأهات الكدر . لا ما هيد . والعبرة تكتل . شاركتني بداري
وانته يا نوري ألبا لبصر . عني بعيد . وأنتظر تقبل . گطّعت أوتاري
بجروحي بجروحي . عشت انه بجروحي . وبصدري نارين
لا ما عفت طرواك . ما احمل بلياك . يا شمعة العين
***********
كل فكري يا مسلم شرد . والأفكار . بيه أتكاثر . واتعب امن اذكرها
شل فكري وجهك من بعد . دون أخبار . حين ألي هاجر . ظنوته ما مرها
بل آه أظل وللأبد . ليل انهار . خلها اتماطر . دمعتي بمظهرها
سل روحي سل روحي . ها لبعد سل روحي . وتعبني ألونين
ترجع ألي أترجاك . ما احمل بلياك . يا شمعة العين
************
يا بويه من يوم الرحت . بيه يدور . دهري وأعاني . والكدر يبرا لي
مجنونه يا مسلم صرت . والهم سور . خلاه زماني . والمصايب فالي
حگي لون عالي صحت . راح النور . وابعد حناني . وما بگالي تالي
هماله هماله . دمعاتي هماله . وسط الميادين
حاطتني بويه أعداك . ما احمل بلياك . يا شمعة العين
************