تويت
ربي شكرته للقاسم ع//ابو ايمان
ربي شكرته من هداك أليه .. وبروحي شلتك يا أعز هديه
تاليها أزفك للأجل بديه .. تاليها أزفك للأجل بديه
************
تعب السنين ألخاطرك حملته . وعمري تحت جدمك ورد نثرته
يا جاسم وليل الشتاء سهرته . تنام انته وانه مسا هره قبلته
ولطولك عيوني بقت ربيه . تاليها أزفك للأجل بديه
************
ظهري حنيته والگلب عصرته . ودمعي يجاسم كل وكت هملته
غالي ونفيس انه ألك بذلته . وأترجه تكبر يلد ليلي أخذته
سالم تضل وتوسد ألمنيه . تاليها أزفك للأجل بديه
***********
عشت العمر عيني أعله دربك تربي . واسعد لون تگعد ييمه بگربي
كل همي أنساه وأزيحه ألتعبي . اشكر ألك صبح ومسه يا ربي
يا لفتة الباري وكرم عليه . تاليها أزفك للأجل بديه
**********
شنهي الجنيته وشجره ألزماني . بسهم المصايب والكدر رماني
مني اخذ كل عگلي وكياني . وخلاني وحدي بغربتي وأعاني
يالفرگتك أصعب واشد رزيه . تاليها أزفك للأجل بديه
****************
ما لومه من يومك عشت يجاسم . والهم على حالي مصايب راسم
چان بوجودك يمي ثغري باسم . وچنت ابني أمالي أعله عرسك قادم
چنت احلم بحنه وعرس سويه . تاليها أزفك للأجل بديه
*********
صورة حزن بيه الدهر رسمها . وكتبها دهري بصفحتي وختمها
عيني يجاسم شوفتك حرمها . وشفافي من بسمة فرح فطمها
خلاني بصعب موقف وبليه . تاليها أزفك للأجل بديه
**************
تعليق